Iopu 35:1-16

  • Faamatilatila e Eliu le sesē o mafaufauga o Iopu (1-16)

    • Fai mai Iopu e sili atu lana amiotonu nai lo o le Atua (2)

    • E maualuga le Atua, e lē aafia i se agasala (5, 6)

    • E tatau ona faatalitali Iopu i le Atua (14)

35  Ua faaauau ona tali mai Eliu e faapea:  2  “Po ua e mautinoa ua tonu oe ua e fai mai ai,‘E sili atu laʻu amiotonu nai lo o le Atua’?+  3  Auā ua e fai mai, ‘O le ā le aogā iā te oe?* O le ā foʻi le aogā iā te aʻu o le leai o sa‘u agasala?’+  4  Ou te tali atu iā te oeMa au uō+ o loo faatasi ma oe.  5  Ia e tepa aʻe i le lagi ma vaai,Ia vaavaai i ao,+ ua maualuluga atu nai lo o oe.  6  Afai ua e agasala, ua faapefea ona e faatigā iā te ia?+ Afai foʻi ua faateleina au solitulafono, o le ā se mea ua e faia iā te ia?+  7  Afai ua e amiotonu, o le ā se mea e te avatu iā te ia;O le ā foʻi se mea e maua e ia mai iā te oe?+  8  O lau amioleaga e aafia ai na o le tagata e pei o oe,O lau amiotonu foʻi e aafia ai na o tagata.  9  E alalaga atu tagata ona o le tele o sauāga;Ua latou alalaga atu mo se mapusaga mai i lima o ē e malolosi.+ 10  Ae e leai se tasi ua faapea mai, ‘O fea o iai le Atua o Lē e Sili na faia aʻu,+O lē ua faapogaia pesega i le pō?’+ 11  Ua ia aʻoaʻoina i tatou+ e sili atu i lo o manu o le laueleele,+Ua ia faia fo‘i i tatou ia sili atu ona atamamai i lo o manufelelei o le lagi. 12  Ua alalaga atu tagata, ae e lē tali mai o ia,+Ona o le faamaualuluga o ē e amioleaga.+ 13  E mautinoa e lē faafofoga le Atua i se alaga e lē moni,*+E lē ua‘i foʻi i ai Lē e ona le malosi uma lava. 14  Ua sili atu la, ona ua e faapea mai e te lē vaai iā te ia!+ Ua i ona luma lau faamasinoga, e tatau la ona e faatalitali ma le naunau iā te ia.+ 15  A o lenei, ua lē oo mai le faasalaga ona o lona toʻasā,Ua lē silasila foʻi o ia i au faaupuga soonafai.+ 16  Ua tautala mai fua Iopu;Ua faateleina foʻi ana upu ona o lona lē iloa.”+

Faamatalaga Pito i Lalo

^ E foliga mai e faasino atu i le Atua.
^ Po o “se pepelo.”