Iopu 3:1-26
3 Ua mavae ia mea, ona tautala atu lea o Iopu ma faamalaia le aso na fanau mai ai o ia.*+
2 Ua faapea atu Iopu:
3 “Ia fano le aso na ou fanau mai ai,+Ma le pō na faapea ane ai se tasi: ‘Ua afuafua le tagata i le manava!’
4 Ia faapouliuligia lea aso.
Aua neʻi manatu i ai le Atua mai i lugā;Aua foʻi neʻi susulu atu i ai le malamalama.
5 Ia toe faafoʻi mai e le pōuliuli tele* lea aso.
Ia faamalumalu i ona luga le ao.
Ia faamataʻu ane mea e pogisa ai le aso.
6 Ia faoa e le pōuliuli tele lenā pō;+Aua neʻi olioli o ia faatasi ma aso o le tausaga,Aua foʻi neʻi iai i le faitauina o masina.
7 Ioe! Ia faagaogaoina lava lea pō;Aua neʻi iai se alaga fiafia.
8 Ia faamalaiaina lenā aso e ē ua fetuuina,O ē e mafai ona fafaguina le Leviatana.*+
9 Ia faapouliuligia fetu o lona tafa o ata;Ia faatalitali foʻi i le malamalama ae e leai lava,Aua foʻi neʻi vaai atu i le tafa mai o ata o le vaveao.
10 Auā na te leʻi punitia faitotoʻa o le manava o loʻu tinā;+Pe natia faafitauli mai i oʻu mata.
11 Aiseā na ou lē oti ai ina ua ou fanau mai?
Aiseā na ou lē fano ai ina ua ou sau mai i le manava?+
12 Aiseā na talia ai aʻu e tulivaeMa susu ou te susu ai?
13 Auā faapenei ua ou taoto e aunoa ma le faalavelave mai o se tasi;+Semanū ua ou moe ma ou mālōlō+
14 Faatasi ma tupu o le lalolagi ma a latou faufautua,O ē na faia nofoaga mo i latou ae ua faatafunaina,*
15 Po o perenise o ē na iai auro,O ē na faatumu o latou fale i siliva.
16 Pe aiseā e le‘i pei ai a‘u o se fanau lē au ua natia,E pei o le fanau e le‘i vāai i le malamalama?
17 O i inā ua teʻa ai le atuatuvale o ē e amioleaga;O i inā e mālōlō ai ē ua mou atu le malosi.+
18 O i inā e toʻafilemu faatasi ai pagota;Ua latou lē faalogoina foʻi le leo o lē e faamalosia i latou e galulue.
19 Ua faapea ona iai i inā o ē e faatauvaa ma ē e sili,+Ua faasaʻolotoina foʻi le pologa mai i lona matai.
20 Aiseā ua ia avatu ai le malamalama i lē e mafatiaMa le ola i ē ua matuā tigā o latou loto?+
21 Aiseā ua lē oo mai ai le oti i ē ua faatalitali i ai?+
E latou te eli i ai e sili atu i lo o oloa ua natia,
22 O ē ua matuā olioli,Ua fiafia auā ua latou maua le tuugamau.
23 Aiseā ua ia avatu ai le malamalama i le tagata ua lē iloa lona ala,Ma ua taofia o ia e le Atua i se pā?+
24 Auā ua muamua ona oo mai o loʻu ōi ae ou te leʻi ʻai,+Ua maligi mai foʻi loʻu faataiō+ e pei o vai.
25 Auā ua oo mai iā te aʻu le mea na ou mataʻu ai,Ua oo mai foʻi iā te aʻu le mea na ou fefe ai.
26 Ua ou lē filemu, ua ou lē mapu fo‘i, ua ou lē mālōlō,Ae e oo mai pea le atuatuvale.”
Faamatalaga Pito i Lalo
^ Epe., “faamalaia lona aso.”
^ Po o le “pōuliuli ma le ata o le oti.”
^ E aliali mai e faasino atu i le korokotaila po o se isi meaola malosi e maua i le vai.
^ Pe atonu “O ē na faia nofoaga tuufua mo i latou.”
