Iopu 28:1-28

  • Faaeseese e Iopu ʻoa a le lalolagi ma le atamai (1-28)

    • Taumafaiga a tagata e eli se mea (1-11)

    • Sili atu ona tāua le atamai nai lo o penina (18)

    • O le mataʻu iā Ieova, o le atamai moni lea (28)

28  “E iai le mea e maua ai le silivaMa le nofoaga mo le auro e latou te faamamāina;+   E maua le uʻamea mai i le efuefu,E tunu foʻi ia liusuāvai le maa ina ia maua ai le ʻapamemea.+   Ua faagataina e le tagata le pōuliuli;Ua ia su‘esu‘eina itu uma i le pōuliuli ma le pogisa,I le sa‘ili‘ili mo ni maa tāua.*   Ua elia e ia se pū e mamao mai i le mea e aumau ai tagata,I nofoaga ua faagaloina, e mamao mai i le mea e savavali ai tagata;Ua tāupe i maea nisi o tagata, ma ua tautau foʻi i latou.   Ae e tupu mai meaʻai i le eleele;A o ona lalo ifo, ua suatia e pei o le afi.*   O ona maa e iai le safaira,O ona efuefu fo‘i e iai le auro.   O lona ala, e lē iloa e se manulele taufeʻai;E lē iloa foʻi e mata o le aia uliuli lea mea.   E lē solia e manufeʻai mataʻutia;E lē savali ai foʻi i luga le tamaʻi leona.   E tā e le tagata le papa alā;E na te fulisia foʻi mauga mai i o latou faavae. 10  Ua ia faia alāvai+ i totonu o papa;Ua vaaia foʻi e ona mata mea tāua uma. 11  Ua ia punitia mea e tafe mai ai le vaiMa aumaia i le malamalama mea ua natia. 12  A o fea e maua ai le atamai?+O fea foʻi le puna o le malamalama?+ 13  E lē iloa e le tagata lona tautele,+Ma e lē o maua foʻi i le nuu o ē e ola. 14  Ua faapea mai vai loloto, ‘E lē o iā te aʻu!’ Ua faapea mai foʻi le sami, ‘E lē o iā te aʻu!’+ 15  E lē mafai ona faatauina i le auro māoʻi;E lē mafai fo‘i ona faafesuia‘i ma siliva ua fuatia.+ 16  E lē mafai ona faatauina i auro o Ofeira,+Po o maa soama tautele ma le safaira. 17  E lē mafai ona faatusaina i le auro ma le tioata,E lē mafai foʻi ona fesuiaʻi ma se ipu o le auro lelei.*+ 18  E lē taʻua faatasi ma ʻamu ma le maa tioata,+Auā e sili atu ona tāua le taga ua tumu i le atamai, nai lo o le taga ua tumu i penina. 19  E lē mafai ona faatusaina i ai le topasi+ o Kuso;E lē mafai foʻi ona faatauina i le auro māo‘i. 20  Ae o fea e sau ai le atamai?O fea foʻi le puna o le malamalama?+ 21  Ua lilo lea mai i mata o meafaiola uma,+Ua natia foʻi mai i manufelelei o le lagi. 22  Ua faapea mai le faaumatiaga ma le oti,‘E na o tala o lea mea ua ma faalogo i ai.’ 23  E silafia e le Atua le ala e maua ai,E na o ia e na te silafia le mea o iai,+ 24  Auā e silasila o ia i tuluʻiga o le lalolagi,E silafia e ia mea uma i lalo o le lagi.+ 25  Ina ua ia tuuina atu le malosi* i le matagi+Ma fuatia vai i se fua,+ 26  Ina ua ia faia se tulafono mo le timu+Ma le ala mo le ao faititili,+ 27  Ona ia silafia ai lea o le atamai ma faamatala atu ai;Ua ia saunia ma tofotofo i ai. 28  Ua fetalai mai o ia i le tagata: ‘Faauta! O le mataʻu iā Ieova, o le atamai lea,+Ma o le liliuese mai i le leaga, o le malamalama lea.’”+

Faamatalaga Pito i Lalo

Epe., “maa.”
E foliga mai e faatatau atu i le eliina o maa tāua.
Po o le “ipu auro ua faamamāina.”
Epe., “mamafa.”