Iopu 27:1-23
27 Ua toe fai atu e Iopu lana lauga e faapea:
2 “O loo soifua le Atua, o lē ua aveesea loʻu faamasinogatonu,+O loo soifua foʻi Lē e ona le malosi uma lava, o lē ua faatigā mai iā te aʻu,+
3 A o iai i totonu iā te aʻu laʻu mānavaMa iai foʻi i oʻu pogaʻiisu le agaga mai le Atua,+
4 E lē tautala oʻu laugutu i ni upu e lē tonu;E lē tautala faaʻoleʻole foʻi loʻu laulaufaiva!
5 Ia mamao lava iā te aʻu ona ou taʻua outou e amiotonu!
Seʻia oo lava i loʻu oti, ou te lē aveesea* loʻu faamaoni!+
6 Ou te taofimau i laʻu amiotonu, ou te lē tuuesea lava;+E lē faasala* mai foʻi loʻu loto iā te aʻu i aso uma ou te ola ai.*
7 Ia avea loʻu fili e pei o se tagata amioleaga,Ia avea ē e faasauā mai iā te aʻu e pei o ē e amiolētonu.
8 Auā o le ā le faamoemoe o le tagata amioleaga* pe a faaumatia o ia,+Pe a aveesea e le Atua lona ola?
9 Pe e faafofoga ea le Atua i lana alagaPe a oo puapuaga iā te ia?+
10 Pe e fiafia ea o ia i Lē e ona le malosi uma lava?
Po o le a ia valaau atu ea i le Atua i taimi uma?
11 Ou te a‘oa‘o atu outou i le mana* o le Atua;Ou te lē natia so o se mea e uiga i Lē e ona le malosi uma lava.
12 Faauta! Afai ua vaaia e outou uma lava faaaliga,Aiseā ea ua outou tautatala ai i upu e matuā lē aogā?
13 O le tofi lea o le tagata amioleaga mai i le Atua,+O le tofi foʻi o pule sauā e latou te mauaina mai i Lē e ona le malosi uma lava.
14 Afai e toʻatele ona atalii, e pa‘u‘ū i latou i le pelu,+E lē lava foʻi meaʻai a ē e tupuga mai iā te ia.
15 E tanumia o ē e totoe iā te ia i le faamaʻi,E lē fetagisi foʻi o latou fafine ua oti a latou tane mo i latou.
16 E tusa pe e na te faaputuina le siliva e pei o le efuefuMa teuina ofu lelei e faapei o le omea,
17 E ui e na te aoaoina,Ae e ofu ai o lē e amiotonu,+E tufatufa fo‘i ana siliva e lē ua lē sala.
18 E vaivai le fale na ia faia e pei o le mea e nofo ai le lelefua,E pei foʻi o le fale lauvao+ na faia e le tagata vāai.
19 E mauʻoa o ia pe a taoto, ae e leai se mea e na te aoaoina mai;Pe a pupula aʻe ona mata, ua leai se mea.
20 E lofia o ia i mea mataʻutia e pei o se lologa;E aveesea foʻi o ia e le afā i le pō.+
21 E aveesea o ia e le matagi mai i sasaʻe, ona alu ese ai lea,E lelea ese ai o ia mai i le mea na nofo ai.+
22 E agi atu iā te ia e aunoa ma se alofa+A o ia matuā taumafai e sola ese mai i lona malosi.+
23 E pati atu ona lima iā te iaMa tuufaaili+ atu iā te ia mai i le mea o loo nofo ai.*
Faamatalaga Pito i Lalo
^ Po o le “ou te lē aveesea mai iā te aʻu; ou te tausisi i.”
^ Po o le “faifai.”
^ Po o “i o‘u aso uma.”
^ Po o “o lē ua fulitua i le Atua.”
^ Pe atonu “e ala i le aao.”
^ Pe atonu “E pati atu o latou lima iā te ia ma tuufaaili atu iā te ia mai i le mea o loo latou nonofo ai.”
