Iopu 26:1-14

  • Tali a Iopu (1-14)

    • “Maʻeu lava lou fesoasoani atu i lē ua leai se malosi!” (1-4)

    • ‘Tautau e le Atua le lalolagi ae e leai se mea o tautau ai’ (7)

    • ‘Na o ni vaega itiiti o galuega a le Atua’ (14)

26  Ona tali atu lea o Iopu e faapea:   “Maʻeu lava lou fesoasoani atu i lē ua leai se malosi! Maʻeu foʻi lou faasaoina o le lima ua vaivai!+   Maʻeu lava le lelei o fautuaga ua e tuuina atu i lē ua leai se atamai!+ Ma‘eu le tele o le faailoaina mai o lou atamai e aogā!*   O ai o fai i ai au upu,O ai foʻi na ia fai atu na upu iā te oe?*   Ua gatete i latou ua feoti;Ua maulalo ifo i latou nai lo o le sami ma mea uma o iai.   Ua taatia fua mai le Tuugamau* i luma o le Atua,*+Ua lē ufiufia foʻi le nofoaga o le faaumatiaga.*   Ua ia fofola le lagi i le itu i mātū* i luga o le mea gaogao,+Ma tautau le lalolagi ae e leai se mea o tautau ai;   Ua ia ofuofuina vai i ona ao,+Ina ia lē masae ao i le mamafa o vai;   Ua ia ufiufia le iloa atu o lona nofoālii,Ua ia fofola ai i luga lona ao.+ 10  Ua ia faailoga le tuaoi* i le vā o le lagi ma le sami;+Ua ia faia le tuaoi i le vā o le malamalama ma le pōuliuli. 11  Ua lūlūina poutū o le lagi;Ua latou fememea‘i ona o lana aʻoaʻiga. 12  O lona mana ua ia fesoua‘iina ai le sami,+O lona malamalama foʻi ua ia nutililiia ai le meaola lapo‘a o le sami.*+ 13  O lana mānava* ua faamanino ai le lagi;Ua ia tutui i lona aao le gata e sosolo lemū. 14  Faauta! Ua na o ni vaega itiiti nei o ana galuega;+E itiiti foʻi mea ua tatou faalogo ai iā te ia! O lea, o ai e mafai ona malamalama i lona faititili malosi?”+

Faamatalaga Pito i Lalo

Po o “lou mafaufau lelei.”
Epe., “Ma o le mānava a ai o sau mai iā te oe?”
Po o “Seoli.” Tagaʻi i le Uiga o Upu.
Epe., “o ia.”
Po o “Avatonu.”
Epe., “fofola le itu i mātū.”
Epe., “faataali‘oli‘o.”
Epe., “Raava.”
Po o “lona matagi.”