Iopu 20:1-29
20 Ona tali mai lea o Sofara+ le Naama e faapea:
2 “O le mea lea ua uunaʻia ai aʻu e oʻu manatunatuga ina ia tali atuOna o le atuatuvale o loʻu loto.
3 Ua ou faalogo atu i le a‘oaʻiga e faamāina ai aʻu;Peita‘i, e tatau ona ou tali atu iā te oe auā o loo iā te a‘u le atamai.
4 E mautinoa na e iloa lava lenei mea mai i le amataga,Auā na faapea lava talu ona tuu le tagata* i luga o le lalolagi,+
5 E puupuu le alaga fiafia o tagata amioleaga,E lē umi foʻi le olioli o lē e amioleaga.*+
6 E ui ina oo lona faamaualuga i le lagiMa papaʻi atu lona ulu i ao,
7 E fano o ia e faavavau e pei o lona lava otaota;E faapea ane foʻi i latou na vāai iā te ia, ‘O fea o iai o ia?’
8 E lele ese o ia e pei o se miti, ma e latou te lē maua o ia;E tuliesea foʻi o ia e pei o se faaaliga o le pō.
9 O mata na vāai iā te ia e lē toe iloa o ia,E lē toe iloa foʻi o ia i le mea sa iai o ia.+
10 E saʻili atu lana fanau ina ia faamalie tagata matitiva,E toe faafoʻi atu foʻi e ona lima ana ‘oa.+
11 Ua tutumu ona ivi i le malosi o lona tauleʻaleʻa,Ae e taooto faatasi ma ia i le efuefu.
12 Afai e suamalie le mea leaga i lona gutu,Afai foʻi e na te natia ai i lalo o lona laulaufaiva,
13 Afai e na te fiafia i ai ma e lē lafoa‘ieseinaAe e taofia pea i lona gutu,
14 E liua lava ana meaʻai i lona manava;E avea ma mea oona o asipi* i totonu iā te ia.
15 Ua ia foloina le ‘oa, ae ua ia toe puaʻi mai;Ma e aveesea e le Atua mai i lona manava.
16 E na te mitiia le mea oona o asipi;E oti foʻi o ia i nifo maamaʻai* o le gata feʻai.
17 E lē vaai lava o ia i alāvai,E tafe mai ai le meli ma le suāsusu.*
18 E na te toe avatua ana oloa ma e na te lē ‘ai ai;*E lē faamalieina o ia i ‘oa mai i ana fefaatauaʻiga.+
19 Auā ua ia tuʻimomomoina ma tuulafoa‘ia ē e matitiva;Ua ia faoa le fale e na te leʻi fauina.
20 Ae e lē lagona lava e ia se filemu i totonu iā te ia;E lē faasaoina foʻi o ia ona o ʻoa ua iā te ia.
21 Ua leai lava se mea o totoe mo ia e na te faoa;O le mea lea, e lē tumau ai lona manuia.
22 A o matuā faulaʻi lava ana ʻoa, e oo iā te ia le matuā popole;E oo atu foʻi iā te ia mea leaga uma lava.
23 A o ia faatumuina lona manava,E faaoo mai e le Atua lona toʻasā aasa i ona luga,Ma faatotō ifo i ona luga e oo ina tumu ai lona gaʻau.
24 Pe a sola ese o ia mai i auupega uʻamea,E tuia o ia i aū fanafana ʻapamemea.
25 E na te se‘i ese le aū mai i lona tua,O se auupega iila mai i lona ʻauʻona,Ma e tumu o ia i le fefe.+
26 E faatalitali le pōuliuli uma mo ana oloa;E ʻaina foʻi o ia e le afi e lē o tapiliina;E faatalitali le malaia i ē o loo totoe i lona faleʻie.
27 E faaalia e le lagi lana mea sesē;E tetee atu le lalolagi iā te ia.
28 E tafiesea lona fale i lologa;O tafega tetele i le aso o le to‘asā o le Atua.
29 O le taui lenei o le tagata amioleaga mai i le Atua,O lona tofi lea ua tofia mai i le Atua.”
