Iopu 18:1-21
18 Ona tali mai lea o Pilitati+ le Sua e faapea:
2 “O afea tou te faaiʻu ai a outou upu?
Ia outou faaalia le mafaufau lelei, ona matou tautatala atu ai lea.
3 Aiseā ua manatu ai iā i matou e pei o ni manu+
Ma manatu ai e vālea* i matou i o outou luma?
4 E tusa pe e te saeia oe lava i lou ita,Pe e tuulafoaʻia ea le lalolagi ona o oe,Pe e aveesea foʻi le papa mai i le mea sa iai?
5 Ioe, e tineia le malamalama o lē e amioleaga,E lē susulu atu foʻi le mumū o lona afi.+
6 E faasolo ina pogisa le malamalama i lona faleʻie,E tineia foʻi le molī i ona luga a‘e.
7 E faapuupuuina ona laasaga malolosi,Ma o lana lava fautuaga e pa‘ū ai o ia.+
8 Auā o ona vae e ta‘ita‘iina atu ai o ia i le upega,Ma e savali foʻi o ia i luga o le mea valavala.
9 E puʻea o ia e le mailei i le mulivae;E pu‘ea o ia e le matāsele.+
10 O loo natia le manoa mo ia i le eleele,Ma o loo taatia le mailei i lona ala.
11 Ua faafefe o ia i mea mataʻutia i itu uma,+Ma ua tulitataoina ai o ia.
12 Ua mou atu lona malosi,Ma e tautevateva* o ia ona o le mala.+
13 E ʻaina lona paʻu;E ʻaina foʻi ona lima ma vae e le faama‘i oti e sili ona leaga.*
14 E liaʻieseina o ia mai i le saogalemu o lona faleʻie+Ma aumaia o ia i le tupu o mea mataʻutia.*
15 E nonofo i lona faleʻie tagata ese;*E faasalalau foʻi le teiō* i le mea e nofo ai o ia.+
16 E mamago ona aa i lalo ifo o ia,E magumagu foʻi ona lālā i luga a‘e o ia.
17 E lē toe manatua lava o ia i le lalolagi,E lē iloa foʻi lona igoa* i le auala.
18 E tulia o ia mai i le malamalama i le pōuliuli,Ma e tuliesea foʻi o ia mai i le laueleele.
19 E leai sana fanau ma ē e tupuga mai iā te ia i lona nuu,E leai foʻi sē e totoe mai i le mea e nofo ai o ia.*
20 Pe a oo mai lona aso, e faate‘ia tagata i le itu i Sisifo,E gatete foʻi i le fefefe tagata i le itu i Sasaʻe.
21 O mea ia e tutupu i fale‘ie o lē e fai mea sesēMa le nofoaga o lē e na te leʻi iloa le Atua.”
Faamatalaga Pito i Lalo
^ Pe atonu “e lē mamā.”
^ Po o le “setusetu.”
^ Epe., “e le ulumatua a le oti.”
^ E faasino atu i le oti i se auala leaga.
^ Epe., “mea e lē o ni ana mea.”
^ O le elemeni samasama e faigofie ona mū e iai sona manogi malosi. O le upu Peretania, o le sulfur.
^ Epe., “E leai sona igoa.”
^ Po o le “mai i le mea e aumau ai o ia o se tagata ese.”
