Iopu 17:1-16
17 “Ua mou atu loʻu malosi, ua mavae atu oʻu aso;Ua faatalitali mai le fanuatanu mo a‘u.+
2 Ua siʻomia aʻu e tagata faaʻamuʻamu,+Ma ua vaai pea oʻu mata i a latou amioga fouvale.
3 Faamolemole, ia talia mai la‘u tautoga, ma ia tuu iā te oe.
O ai ea se isi e ma te lūlū lima ma faia le tautoga mo a‘u?+
4 Auā ua e punitia o latou loto ina ia lē faautauta;+O le mea lea ua e lē faaeaina ai i latou.
5 Ua ia fai atu i ana aumea ina ia ave ni a latou mea,Ae ua fole mata o lana lava fanau.
6 Ua ia faia aʻu o se mea inosia* i nuu,+Ma ua latou tuufeanu mai foʻi i oʻu mata.+
7 Ua puaoa oʻu mata ona o le puapuagatia,+Ua pei foʻi oʻu lima ma vae o se ata lafoia.
8 Ua vaavaai ma le ofo tagata amio saʻo i lenei mea,E oo foʻi i lē e lē sala, ua ita i le tagata amioleaga.*
9 E taofimau pea le tagata amiotonu i lona ala,+Ma o lē e mamā ona lima, e faateleina pea lona malosi.+
10 Peitaʻi, inā ō mai ia ma toe amata la outou finauga,Auā ou te leʻi maua lava se tasi e atamai iā te outou.+
11 Ua mavae atu oʻu aso;+Ua faalēaogāina aʻu fuafuaga, o moomooga o loʻu loto.+
12 Ua latou faia pea le pō ma ao,Ua faapea mai, ‘Ua latalata mai le malamalama ona o le pōuliuli.’
13 Afai ou te faatalitali, e fai le Tuugamau* ma oʻu fale;+Ou te fofola loʻu moega i le pōuliuli.+
14 Ou te valaau atu i le lua,*+ ‘O oe o loʻu tamā!’
O le ilo foʻi, ‘O loʻu tinā ma loʻu tuafafine!’
15 O fea la o iai loʻu faamoemoe?+
O ai se tasi e mafai ona vaai atu i se faamoemoe mo a‘u?
16 E alu ifo o ia* i faitoto‘a ua faamau o le Tuugamau*Pe a ma ō ifo faatasi uma i le efuefu.”+
Faamatalaga Pito i Lalo
^ Epe., “se upu faatusa.”
^ Po o “lē ua fulitua i le Atua.”
^ Po o “Seoli.” Tagaʻi i le Uiga o Upu.
^ Po o le “tuugamau.”
^ E faasino atu i loʻu faamoemoe.
^ Po o “Seoli.” Tagaʻi i le Uiga o Upu.
