Iopu 13:1-28
13 “Ioe, ua iloa e oʻu mata nei mea uma,Ua lagona foʻi e oʻu taliga ma malamalama i ai.
2 O mea ua outou iloa, ua ou iloa foʻi;Ou te lē faatauvaa iā te outou.
3 A o aʻu, e sili atu ona ou tautala i Lē e ona le malosi uma lava;Ou te manaʻo e tuuina atu la‘u mataupu i luma o le Atua.+
4 Ae ua outou fatu fua tala pepelo e uiga iā te a‘u;O outou uma lava o fomaʻi lē aogā.+
5 Maʻimau pe ana outou fifilemu,E iloa ai lo outou atamamai.+
6 Faalogo mai ia faamolemole i laʻu finau atu,Ia uaʻi mai foʻi i ʻaiʻoiga a oʻu laugutu.
7 Pe e tou te tautatala ea ma le lē tonu mo le Atua,Pe e tou te tautatala faaʻoleʻole foʻi mo ia?
8 Pe e tou te ‘au ea iā te ia,*Pe e tou te taumafai ea e finau mo le Atua moni?
9 Pe a suʻesuʻeina outou e le Atua, po o le a faafiafiaina ai o ia?+
Pe e tou te faasesēina o ia e pei ona outou faasesēina o se tagata?
10 E na te aʻoaʻia lava outouPe afai e tou te faailoga tagata faalilolilo.+
11 Pe e lē faamataʻuina ea outou i lona mamaluMa outou matataʻu ai ona o ia?
12 O a outou upu atamai* o faataoto o lefulefu ia;O a outou finauga e vaivai e pei o talita e fai mai i ʻele.
13 Ia outou fifilemu i oʻu luma, ina ia ou tautala atu ai.
Ia oo mai so o se mea e tatau ona oo mai iā te a‘u!
14 Aiseā ua ou tuu ai a‘u i se tulaga lamatia*Ma tuu loʻu ola i loʻu lima?
15 E tusa lava pe na te fasiotia aʻu, ae ou te faatalitali pea;+Ou te finauina pea laʻu mataupu* i ona luma.
16 Ona avea lea o ia ma oʻu faaolataga,+Auā e leai sē e amioleaga* e alu atu i ona luma.+
17 Ia outou faalogologo lelei mai i aʻu upu,Ma ia outou uaʻi mai foʻi i aʻu folafolaga.
18 Vaai, ua ou sauni e tuuina atu la‘u mataupu i le faamasinoga;Ua ou iloa e saʻo aʻu.
19 O ai ea e finau mai iā te aʻu?
Auā afai ou te filemu, ona ou oti ai lea!*
20 E na o le lua lava mea e te faia iā te aʻu, le Atua e,*Ona ou lē natia ai lea o aʻu i ou luma:
21 Ia e aveese mamao lou aao mai iā te aʻu,Aua foʻi neʻi faamataʻuina aʻu i le mataʻu iā te oe.+
22 Ia e valaau mai, ona ou tali atu ai lea,Po ou te tautala atu foʻi, ona e tali mai lea iā te aʻu.
23 O ā ea ni oʻu sesē ma ni aʻu agasala?
Ia e faailoa mai iā te aʻu la‘u solitulafono ma laʻu agasala.
24 Aiseā ua e natia ai ou fofoga+Ma manatu ai iā te aʻu o sou fili?+
25 Pe e te faamata‘uina ea se laulaau ua leleaPe tuliloaina fo‘i tagutugutu o saito ua mamago?
26 Auā ua e tusia pea tuua‘iga mamafa e faasaga iā te aʻu,Ma ua e faasalaina a‘u ona o agasala na ou faia a o o‘u talavou.
27 Ua e taofia oʻu vae i faamau,Ua e iloiloina toto‘a oʻu ala uma,Ma ua e faailogaina oʻu tulagavae uma.
28 O lea, e palagia le tagata* e pei o se mea ua pala,E pei foʻi o se ofu ua ʻaina e lelefua.*
Faamatalaga Pito i Lalo
^ Po o le “faaʻauʻau ea iā te ia.”
^ Po o le “upu faamanatu.”
^ Epe., “Aiseā ua ou ū ai loʻu aano i oʻu nifo?”
^ Po o le “Ou te puipui oʻu ala.”
^ Po o “sē e fulitua i le Atua.”
^ Pe atonu “Pe a mafai ona faia faapea e se tasi, ona ou filemu lea ma oti ai.”
^ Epe., “E na o le lua lava mea e aua neʻi e faia iā te aʻu.”
^ Epe., “o ia,” atonu e faasino atu iā Iopu.
^ O “lelefua” e maua i Isaraelu. O se iniseti e fā ona apaʻau e tai pei o se pepe, ma a o leʻi oo ina maua ona apaʻau, e na te ʻatiʻatia lavalava o tagata.
