Iopu 11:1-20
11 Ona tali mai lea o Sofara+ le Naama e faapea:
2 “Po o le a lē tali atu ea i nei upu uma,Po o le a taʻutonuina ea le tagata tautala soo?*
3 Pe e faalologo ea tagata ona o au tala lē aogā?
Pe e lē aʻoaʻia ea oe e se tasi ona o au upu tauemu?+
4 Auā ua e faapea mai, ‘E mamā mea ou te a‘oa‘o atu,+Ma ua ou mamā i ou luma.’+
5 Ae pe ana seʻi tulei mai le AtuaMa fetalai mai iā te oe!+
6 Ona ia faailoa mai lea iā te oe o mea lilo o le atamai,Auā e tele vala o le atamai e aogā.
Ona e iloa ai lea o le a faagaloina e le Atua nisi o au mea sesē.
7 Pe e mafai ona e iloa mea loloto a le Atua,Pe iloa mea uma e faatatau i* Lē e ona le malosi uma lava?
8 E maualuga atu nai lo o le lagi. O le ā se mea e mafai ona e faia?
E loloto atu nai lo o le Tuugamau.* O le ā se mea e mafai ona e iloa?
9 E umī atu nai lo o le lalolagi,Ma e lautele atu nai lo o le sami.
10 Afai e afio atu o ia ma taofia se tasi ma valaauina se faamasinoga,O ai ea e mafai ona tetee atu iā te ia?
11 Auā e silafia e ia pe a faaʻoleʻole tagata.
Afai e silasila o ia i se mea leaga, pe e lē uaʻi mai ea o ia?
12 Ae o le a malamalama le tagata valeaPe a mafai ona fanaua e se asini vao o se tagata.*
13 Pe ana e saunia lou lotoMa faaloloa atu ou lima iā te ia.
14 Afai o loo faia e lou lima se mea sesē, inā ave mamao ese ia,Aua foʻi neʻi tumau pea i ou faleʻie ni mea e lē tonu.
15 Ona ea ai lea i luga o ou mata e leai se mea e ponā ai;E te tūmausalī foʻi, ma e te lē fefe lava.
16 Auā e galo lava iā te oe ou faafitauli;E te manatuaina foʻi e pei o vai e tafe ese atu.
17 E sili atu ona malamalama lou ola i lo o le tutonu o le lā;E avea foʻi le pōuliuli o lou ola e pei o le taeao.
18 E te mautinoa foʻi auā o loo iai le faamoemoe,E te vaavaai solo ma e taoto ma le saogalemu.
19 E te taoto ae e leai se tasi e faamataʻu atu iā te oe,E to‘atele fo‘i tagata e faia mea ina ia e agalelei atu ai iā i latou.
20 Ae e faatauasoina mata o ē e amioleaga;E leai se mea e latou te sosola i ai,Ma e pau lo latou faamoemoe, o le oti lea.”*+
