Iopu 10:1-22

  • Faaauau le tali a Iopu (1-22)

    • ‘Aiseā ua finau mai ai le Atua iā te aʻu?’ (2)

    • Eseesega o le Atua ma Iopu (4-12)

    • “Seʻi oʻu mapu ane teisi” (20)

10  “Ua ou ʻinoʻino i loʻu ola.+ Ou te faailoa atu oʻu popolega. Ou te tautala atu foʻi i le tigā o loʻu loto!   Ou te fai atu i le Atua: ‘Aua e te taʻusalaina aʻu. Ia e faailoa mai iā te aʻu, pe aiseā ua e finau mai ai iā te aʻu.   Pe e lelei iā te oe ona e faasauā,Ma e ‘ino‘ino i galuega a ou aao+A o e taliaina fautuaga a ē e amioleaga?   Pe e pei ou fofoga o mata o le tagata,Po ua e silasila ea foʻi e pei o le vaai a le tagata?   Po ua pei ou aso o aso o le tagata,Po ua pei foʻi ou tausaga o tausaga o le tagata,+   Ua e saʻili ai i loʻu sesēMa ua e su‘esu‘e ai pea i laʻu agasala?+   Ua e silafia ou te lē amioleaga;+E leai foʻi se tasi e mafai ona laveaʻiina aʻu mai i lou aao.+   Ua saunia aʻu e ou lava aao ma ua faia ai aʻu,+Ae o lenei o le a e faaumatia atoatoa aʻu.   Ia manatua faamolemole, na e faia aʻu mai i le eleele,*+Ae o lenei e te toe faafoʻi atu aʻu i le efuefu.+ 10  Pe e te leʻi sasaaina atu ea aʻu e pei o le suāsusuMa faatoʻa aʻu e pei o le sisi? 11  Ua e faaofu aʻu i le paʻu ma le aano,Ua e tuufaatasia aʻu i ponaivi ma uaua.+ 12  Ua e foaʻiina mai iā te aʻu le ola ma le alofa faamaoni;Ua e leoleoina loʻu agaga* i lau tausiga.+ 13  Ae ua faalilolilo ona e finagalo e faia nei mea.* Ua ou iloa foʻi e mai iā te oe nei mea. 14  Afai ou te agasala, e te silasila mai lava iā te aʻu,+Ma e te lē faamagalo foʻi aʻu i loʻu sesē. 15  Afai ua ou sesē, oi talofa iā te aʻu! Ae e tusa fo‘i po ou te saʻo, e lē ea i luga loʻu ulu,+Auā ua tumu aʻu i le māsiasi ma tigā.+ 16  Afai e ea i luga loʻu ulu, e te tuli iā te aʻu e pei o se leona+Ma e te toe faaaogā lou mana e faatigā ai iā te a‘u. 17  E te aumaia molimau fou e faasaga iā te a‘u,E faateleina foʻi lou toʻasā iā te aʻu,Ua oo mai iā te aʻu lea mea faigatā ma lea mea faigatā. 18  Aiseā ea na e aumaia ai aʻu mai i le manava?+ Sa tatau ona ou oti a o le‘i iloa mai aʻu e se tasi. 19  Semanū e pei aʻu o sē ua lē ola mai;Semanū e ave sa‘o a‘u mai i le manava i le tuugamau.’ 20  Po ua lē itiiti ea oʻu aso?+ Ia tuu ai pea e le Atua a‘u;Ia tuu o ia e liliuese ona fofoga mai iā te aʻu, seʻi oʻu mapu ane teisi*+ 21  Ae ou te leʻi alu ese, ma ou te lē toe foʻi mai+I le nuu o le pōuliuli tele,*+ 22  I le nuu o le pogisa tele,O se nuu o le pōuliuli tele ma le lē maopoopo,Lea e oo lava i le malamalama ua pei o le pōuliuli.”

Faamatalaga Pito i Lalo

Epe., “omea.”
Po o le “laʻu mānava; loʻu ola.”
Epe., “Ua e natia nei mea i lou loto.”
Po o le “fiafia teisi.”
Po o le “pōuliuli ma le ata o le oti.”