O le Tusi a Iakopo 5:1-20

  • Lapataʻiga mo tagata mauʻoa (1-6)

  • Faamanuia e le Atua le faatalitali ma le onosaʻi (7-11)

  • Ia avea lau “ioe” ma ioe (12)

  • Aogā le tatalo o le faatuatua (13-18)

  • Fesoasoani i le tagata agasala e toe foʻi mai (19, 20)

5  O lenei, o outou tagata mauʻoa, inā fetagisi ia ma tagitu‘i ona o puapuaga ua oo mai iā te outou.+  Ua pala a outou oloa, ma ua ʻatiʻatia e mogamoga* o outou ofu.+  Ua ʻelea a outou auro ma siliva, ma o le ʻele ua fai ma molimau faasaga iā te outou, ma ʻaina ai o outou tino. O mea ua outou faaputuina o le a pei o se afi i aso e gata ai.+  Faauta! O loo alalaga mai pea totogi na outou taofia mai i ē na galulue e seleseleina o outou fanua, ma ua faafofoga Ieova* o ʻau i le alaga mo se fesoasoani a ē na selesele.+  Ua outou ola i ni olaga tamaoaiga i le lalolagi, ma faamalie o outou lava tuʻinanauga. Ua outou fafagaina outou ia puputa* seʻia oo i le aso e fafasi ai.+  Ua outou taʻusalaina ma fasiotia le tagata amiotonu. Pe e lē o tetee mai ea o ia iā te outou?  O lenei le ʻauuso e, ia outou onosaʻi seʻia oo i le faatasi mai o le Alii.+ Faauta! O loo faatalitali pea le faifaatoʻaga i fua lelei o le fanua, e faatalitali ma le onosaʻi seʻia totō mai timuga muamua ma timuga mulimuli.+  Ia outou onosaʻi foʻi,+ ma ia faatumauina o outou loto, auā ua latalata le faatasi mai o le Alii.+  Le ʻauuso e, aua tou te femuimuiaʻi* ina neʻi faamasinoina outou.+ Faauta! O loo tū mai le Faamasino i luma o faitotoʻa. 10  Le ʻauuso e, ia outou faaaʻoaʻo i le ʻauperofeta i lo latou puapuagatia i mea leaga+ ma lo latou onosaʻi,+ o ē na tautatala atu i le suafa o Ieova.*+ 11  Faauta! Ua tatou faapea atu, e fiafia* i latou e tumau.+ Ua outou faalogo i le tumau o Iopu,+ ma ua outou iloa foʻi le iʻuga mai iā Ieova,*+ auā e alofa faapelepele ma alofa mutimutivale Ieova.*+ 12  Oʻu uso e, e muamua i nei mea uma lava, aua tou te toe tautō i le lagi po o le lalolagi po o se isi lava tautoga. Ae ia avea la outou upu o le “Ioe,” ia ioe, ma le “Leai,” ia leai,+ ina neʻi faamasinoina ai outou. 13  Pe e iai se tasi o outou ua mafatia i tulaga faigatā? Inā tatalo pea ia o ia.+ Pe e iai ea se tasi o outou ua fiafia? Inā pese ia o ia i pese o viiga.*+ 14  Pe e iai ea se tasi o outou ua maʻi? Inā aami ia e ia o toeaina+ o le faapotopotoga ina ia latou tatalo mo ia, ma uu iā te ia i le suāuu+ i le suafa o Ieova.* 15  O le tatalo e faia i le faatuatua e malosi ai le tagata maʻi,* ma o le a faatūina o ia e Ieova.* E faamagaloina foʻi o ia pe afai ua agasala. 16  O lenei, ia faailoa atu a outou agasala+ ma tatalo le tasi mo le isi, ina ia faamālōlōina ai outou. E matuā malosi le aafiaga o le tatalo faatauanau a le tagata amiotonu.+ 17  O Elia o le tagata na iai faalogona e pei o i tatou, ae ina ua tatalo faatauanau o ia ina ia aua neʻi timu, e leʻi iai se timu mo le tolu tausaga ma le ono masina.+ 18  Ona toe tatalo lea o ia, ma ua maligi mai ai o timuga mai i le lagi, ona fua mai ai lea o le laueleele.+ 19  Oʻu uso e, afai ua taʻitaʻisesēina se tasi o outou mai i le upu moni ae ua toe faafoʻi mai o ia e se tasi, 20  ia iloa o lē na toe faafoʻiina mai le tagata agasala mai i lona ala sesē,+ ua ia faaolaina o ia mai i le oti ma ua ufiufi ai agasala e tele.+

Faamatalaga Pito i Lalo

O le upu Eleni e faasino atu i se ituaiga o lelefua e ʻatiʻatia lavalava.
Tagaʻi i le Faa. A5.
Ele., “faapuputa o outou loto.”
Po o le “ōi; faitio.” Ele., “mapuea.”
Tagaʻi i le Faa. A5.
Tagaʻi i le Faa. A5.
Tagaʻi i le Faa. A5.
Po o le “faamanuiaina.”
Ele., “i salamo.”
Tagaʻi i le Faa. A5.
Pe atonu “lē ua vaivai.”
Tagaʻi i le Faa. A5.