Failauga 1:1-18
1 O upu a le failauga,*+ o le atalii o Tavita, le tupu i Ierusalema.+
2 Ua faapea mai le failauga, “E matuā i‘uvale!”*“E matuā i‘uvale! E i‘uvale mea uma lava!”+
3 O ā aogā e maua e se tagata mai i ana galuega mamafa umaLea e galue malosi ai i lalo o le lā?+
4 E mavae atu le tasi tupulaga ae e sau le isi tupulaga,A o le lalolagi e tumau lea e faavavau.+
5 Ua oso aʻe* le lā ma toe goto ifo;Ona toe faavavevave atu lea i le mea e toe oso aʻe ai.+
6 Ua alu atu le matagi i saute ma toe taamilo mai i le itu i mātū;Ua faataamilo ma faataamilo pea; ua faaauau ona toe foʻi le matagi i lona faataamilosaga.
7 E tatafe vaitafe uma* agaʻi i le sami, ae e lē tumu ai le sami.+
O le mea e tafe atu ai vaitafe, e toe foʻi mai i ai ina ia toe tafe atu ai.+
8 Ua fai mea uma ma avega mamafa;E leai se tasi e mafai ona faamatalaina.
Ua lē faamalieina mata e vaai;E lē faamalieina foʻi taliga i le faalogo.
9 O le mea ua uma ona tupu, o le mea foʻi lea e toe tupu,O le mea ua uma ona faia, o le mea foʻi lea e toe faia;E leai se mea fou i lalo o le lā.+
10 Pe e iai ea se mea e mafai ai ona faapea ane se tasi, “Vaai i lenei mea, o se mea fou”?
Ua leva ona iai mai i aso anamua;Ua leva ona iai a o le‘i iai i tatou.
11 E leai se tasi e manatuaina tagata na soifua i taimi ua mavae;E leai fo‘i se tasi e manatuaina o ē o le a mulimuli mai;E lē manatuaina fo‘i i latou e ē o le a feola i se taimi i le lumanaʻi.+
12 O aʻu, o le failauga, ua fai aʻu ma tupu o Isaraelu i Ierusalema.+
13 Ua faasaga loʻu loto e suʻesuʻe ma sa‘ili ma le atamai+ o mea uma lava ua faia i lalo o le lagi,+ o galuega tigā ua tuuina mai e le Atua i le fanau a tagata ina ia tele ai a latou mea e fai.
14 Ua ou vaai i galuega uma ua faia i lalo o le lā,Faauta foʻi! e i‘uvale mea uma ma o le ʻai a le matagi.+
15 O le mea ua faapiʻoina e lē mafai ona faasaʻoina,Ma e lē mafai ona faitauina mea e lē o iai.
16 Ona ou faapea ifo lea i loʻu loto: “Faauta! ua ou maua le tele o le atamai, ua sili atu i so o se tasi na muamua iā te aʻu i Ierusalema,+ ua maua foʻi e loʻu loto le tele o le atamai atoa ma le poto.”+
17 Ua ou tuuina atu foʻi loʻu loto ina ia iloa le atamai ma iloa le valea, ma iloa amioga faavalevalea,+ o ia mea foʻi o le ʻai a le matagi.
18 Auā o le tele o le atamai e i‘u ai i le tele o le lototigā,O lea, o sē e na te faateleina lona poto, e na te faateleina foʻi le tigā.+
