Faataoto 9:1-18

  • Valaaulia a le atamai (1-12)

    • “O le a faateleina ou aso ona o aʻu” (11)

  • Valaaulia a le fafine valea (13-18)

    • “E suamalie vai ua gaoia” (17)

9  Ua fausia e le atamai moni lona fale;Ua ia faatūina* foʻi ona poutū e fitu.   Ua ia saunia atoatoa aano o ana manu;*Ua ia suia lana uaina;Ua ia saunia foʻi lana laulau.   Ua ia aauina atu ana auauna teineIna ia valaau atu mai i mea maualuluga i luga a‘e o le aai:+   “O se tasi e leai se poto masani, ia afe mai i inei.” Ua faapea atu o ia i lē ua leai sona mafaufau:*   “Ō mai ia e aai i laʻu falaoaMa feinu i le uaina na ou suia.   Ia tuu ia lo outou vālea* ma ola ai;+Ia savavali saʻo i le ala o le malamalama.”+   O lē e faasaʻo i le tagata tauemu, e oo iā te ia le faalumaina,+Ma o lē e aʻoaʻi i lē e amioleaga, e oo iā te ia le tigā.   Aua e te faasaʻo i le tagata tauemu, ina neʻi ʻinoʻino o ia iā te oe.+ Ia aʻoaʻi i le tagata atamai ona alofa lea o ia iā te oe.+   Ia avatu faatonuga i le tagata atamai, e atili atamai ai o ia.+ Ia a‘oa‘oina lē e amiotonu, e tupu ai pea lona poto. 10  O le mataʻu iā Ieova, o le amataga lea o le atamai,+Ma o le poto i Lē e Sili Ona Paia,+ o le malamalama lea. 11  O le a faateleina ou aso ona o aʻu,+Ma e faaopoopoina foʻi tausaga i lou olaga. 12  Afai ua e atamai, ua e atamai mo lou lava lelei,Ae afai ua e tauemu, e na o oe lava e tigā ai. 13  O le fafine valea e malomaloā.+ Ua faavalevalea lava o ia ma ua matuā lē iloa lava se mea. 14  Ua nofo o ia i luma o le faitotoʻa o lona faleI se nofoa, i mea maualuluga o le aai,+ 15  Ma valaau atu iā i latou e ui ane i le ala,O ē e savavali saʻo i o latou ala: 16  “O se tasi e leai se poto masani, ia afe mai i inei.” Ua faapea atu le fafine i ē ua leai ni mafaufau:*+ 17  “E suamalie vai ua gaoia,Ma e manaia le tofo o meaʻai e ʻai faalilolilo.”+ 18  Ae ua lē iloa e ia o loo iai i inā ē ua feoti,Ua iai ana mālō i mea maulalo o le Tuugamau.*+

Faamatalaga Pito i Lalo

Po o le “vaneina.”
Epe., “Ua ia fasia manu o le fasiga.”
Po o le “ua leai se uunaʻiga lelei o le loto.”
Po o le “Ia tuu ai pea ē ua leai se poto masani.”
Po o le “ua leai se uunaʻiga lelei o le loto.”
Po o “Seoli.” Tagaʻi i le Uiga o Upu.