Faataoto 4:1-27
4 La‘u fanau e, inā faalogo mai ia i le aʻoaʻi atu a le tamā;+Ia uaʻi mai ina ia maua ai le malamalama,
2 Auā ou te avatu iā te outou o faatonuga lelei;Aua tou te tuulafoaʻiina laʻu a‘oa‘o atu.*+
3 Sa avea aʻu o se atalii e usiusitaʻi i loʻu tamā+Ma o lē na sili ona pele i loʻu tinā.+
4 Na ia aʻoaʻo mai iā te aʻu ma faapea mai: “Ia taofimau i lou loto aʻu upu.+
Ia tausi i aʻu poloaʻiga ma ola ai pea.+
5 Ia maua le atamai, ia maua foʻi le malamalama.+
Aua neʻi galo iā te oe, ma aua neʻi e liliuese mai i a‘u upu.
6 Aua neʻi e tuulafoa‘ia le atamai, ona puipuia ai lea o oe.
Ia naunau i ai, ona leoleoina ai lea o oe.
7 O le atamai o le mea sili lea ona tāua,+ o lea, ia e maua le atamai,Ma i mea uma lava e te maua, ia e maua foʻi le malamalama.+
8 Ia e matuā faatāuaina le atamai, ona faaeaina ai lea o oe.+
E faamamaluina ai foʻi oe auā ua e talia atoatoa.+
9 O le a tuu atu e le atamai i lou ulu se pale manaia;O le a teuteu ai iā te oe i se palealii matagofie.”
10 Loʻu atalii e, inā faalogo mai ia ma talia aʻu upu,Ona faateleina ai lea o tausaga o lou ola.+
11 O le a ou faatonutonu oe i le ala o le atamai;+O le a ou ta‘ita‘ia oe i ala o le amiotonu.+
12 Pe a e savali, e lē faalavelavea ou laasaga;Pe a e momoʻe foʻi, e te lē tautevateva.
13 Ia taofimau i aʻoaʻiga; aua neʻi faamaamuluina.+
Ia leoleo i ai, auā o lou ola lea.+
14 Aua e te ui i le ala o ē e amioleaga,Aua foʻi e te savali i le ala o tagata e faia mea leaga.+
15 Ia e tetee atu i ai, aua e te ui ane ai;+Ia liliuese mai ai, ma alu pea.+
16 Auā latou te lē momoe seʻiloga ua latou faia ni mea leaga.
Ua mou lo latou fia momoe seʻiloga ua latou faia se mea e tigā ai se isi.
17 Ua latou fafaga i latou lava i le falaoa o le amioleaga,Ma ua latou feinu i le uaina o faiga sauā.
18 Ae o le ala o ē e amiotonu ua pei o le susulu o le malamalama o le taeaoLea e tupu pea lona malamalama seʻia oo ina matuā ao lelei le aso.+
19 O le ala o ē e amioleaga ua pei o le pogisa;Ua latou lē iloa le mea ua latou tausuai ai.
20 Loʻu atalii e, ia uaʻi mai i aʻu upu;Ia e faalogo lelei mai* i mea ou te fai atu ai.
21 Aua neʻi teʻa ese nei mea mai i ou mata;Ia teu ia mea i totonu o lou loto,+
22 Auā o le ola lea iā i latou ua mauaina ia mea+Ma e mālōlōina ai o latou tino atoa.
23 O le mea e sili ona leoleoina o mea uma, ia leoleoina lou loto,*+Auā e faalagolago i ai lou ola.*
24 Ia tuu ese mai iā te oe o faamatalaga faapiʻopiʻo;+Ma ia faamamao ese mai iā te oe o tala taufaa‘ole‘ole.
25 E ao ona vaai saʻo i luma ou mata,Ioe, ia pulatoʻa i luma ou mata.+
26 Ia faalaulelei* le ala o ou vae,+Ona matuā faatumauina ai lea o ou ala uma.
27 Aua e te fia alu i le itu taumatau po o le itu tauagavale.+
Ia liliuese ou vae mai i le mea leaga.
