Faataoto 3:1-35
3 Loʻu atalii e, aua neʻi galo iā te oe laʻu a‘oa‘o atu,*Ma ia tausia i lou loto aʻu poloaʻiga,
2 Auā e faaopoopo ai iā te oe o aso e teleMa tausaga e te ola ai, atoa ma le filemu.+
3 Aua neʻi teʻa ma oe le alofa* ma le faamaoni.*+
Ia asoa i lou ua;Ia tusia i le papamaa o lou loto;+
4 Ona e maua ai lea o le alofa ma le tofā mamaoI luma o le Atua atoa ma tagata.+
5 Ia e faatuatua iā Ieova+ ma lou lotoatoa,Ae aua le faalagolago i lou lava malamalama.+
6 Ia e manatua o ia i ou ala uma,+Ona ia faasaʻoina lea o ou ala.+
7 Aua e te faafiapoto.+
Ia e mataʻu iā Ieova ma ia e liliuese mai i mea leaga.
8 E fai lea ma mea e mālōlōina ai lou tino*Ma toe faafouina ai ou ivi.
9 Ia e āva iā Ieova i au ʻoa,+Ma uluaʻi fua* o au faaeleeleaga uma;*+
10 Ona matuā tutumu ai lea o ou fale teuoloa,+Ma taumasuasua ai au mea e tali ai suāvine* i le uaina fou.
11 Loʻu atalii e, aua e te teena le aʻoaʻiga a Ieova,+Ma aua e te ʻinoʻino pe a ia a‘oa‘ia oe,+
12 Auā e aʻoaʻia e Ieova o lē e alofa i ai,+E pei foʻi ona faia e le tamā i lona atalii o lē ua ia fiafia i ai.+
13 E fiafia le tagata ua maua le atamai+Ma le tagata ua iai le faautaga loloto;
14 E sili atu le mauaina o le atamai i lo o le mauaina o siliva,E sili atu fo‘i le mauaina o le atamai* i lo o le mauaina o auro.+
15 E sili lona tautele i lo o maa tāua;*E lē mafai foʻi ona faatusaina i isi mea uma e te mana‘o i ai.
16 O loo i lona lima taumatau le tele o aso e ola ai;A o lona lima tauagavale, ua iai ʻoa ma le mamalu.
17 O ona ala e matagofie,Ma e filemu ona auala uma.+
18 O le laau foʻi o le ola iā i latou e fetagofi atu i ai,Ma e fiafia i latou e taofimau pea i ai.+
19 O le atamai na faavae ai e Ieova le lalolagi.+
Na ia matuā faatumauina le lagi i le faautaga loloto.+
20 O lona poto na vaeluaina ai vai lolotoMa to‘ulu ifo ai le sau mai i le lagi puaoa.+
21 Loʻu atalii e, aua neʻi teʻa ma oe ia mea.*
Ia e leoleo i le atamai aogā ma le mafaufau lelei;
22 E fai ia mea ma mea e te ola aiMa o se asoa matagofie i lou ua;
23 Ona e savali ai lea ma le saogalemu i lou ala,Ma e lē tautevateva lava ou vae.*+
24 Pe a e taoto, e te lē fefe lava;+E te taoto lava, ma e lelei lau moe.+
25 E te lē fefe pe a tupu faafuaseʻi se mea mataʻutia,+Po o le malaia e oo i ē e amioleaga e pei o se matagi malosi.+
26 Auā e avea Ieova ma puna o lou faatuatuaga;+E na te leoleo foʻi i lou vae neʻi puʻea.+
27 Aua e te taofia se mea lelei mai i ē ua tatau i ai+Pe afai e mafai ona e fesoasoani i ai.*+
28 Aua e te fai atu i lou tuaoi, “Ia e alu; toe sau i se isi taimi! Ou te avatu iā te oe taeao,”
Pe afai e mafai ona e avatu loa i ai.
29 Aua e te faufau e fai se mea leaga i lou tuaoi+A o nofo o ia ma lona manatu ua saogalemu faatasi ma oe.
30 Aua e te finau fua ma se tagata+Pe afai e na te leʻi faia se mea leaga iā te oe.+
31 Aua e te matauʻa i se tagata e sauā+Pe e mulimuli i se tasi o ona ala,
32 Auā e inosia e Ieova le tagata taufaa‘ole‘ole,+Ae e mafuta vavalalata atu o Ia i ē ua amio saʻo.+
33 E faamalaia e Ieova le aiga o ē e amioleaga,+Ae e na te faamanuia le aiga o ē e amiotonu.+
34 Auā e aamu o ia i ē e tauemu,+Ae e finagalo malie o ia i ē e agamalu.+
35 O ē e atamamai e fai ma o latou tofi le mamalu,A o ē e vālea e lē faamamaluina i latou.+
Faamatalaga Pito i Lalo
^ Po o le “tulafono.”
^ Po o le “alofa faamaoni.”
^ Po o le “mea moni.”
^ Epe., “pute.”
^ Po o “mea e sili ona lelei.”
^ Po o “lou totogi atoa.”
^ Po o “mea e soli ai vine.”
^ Po o le “mauaina o le atamai o se polofiti.”
^ Po o “ʻamu.” Tagaʻi i le Uiga o Upu.
^ E foliga mai e faasino atu i uiga o le Atua o loo taʻua i fuaiupu na muamua atu.
^ Po o le “lē tuʻia foʻi lou vae i se mea.”
^ Po o le “Pe afai e mafai e le malosi o lou lima ona fesoasoani i ai.”
