Faataoto 18:1-24
18 O lē e na te faaesea o ia lava, e saʻili i ona lava faanaunauga manatu faapito;E tetee* o ia i le atamai aogā uma.
2 E lē fia malamalama le tagata valea i se mea;E sili atu iā te ia ona faaali mai mea o loo i lona loto.+
3 Pe a sau le tagata amioleaga, e sau ai foʻi ma le ʻinoʻino,Ma ua ō faatasi le māsiasi ma le faalumaina.+
4 O upu o le gutu o le tagata o vai loloto ia.+
O le vaipuna o le atamai, o le vaitafe lea e puna mai ai.
5 E lē lelei le faaʻauʻau i le tagata amioleaga+Po o le taofia o le faamasinotonu mai i le tagata amiotonu.+
6 O upu a le tagata valea e i‘u ai i misa,+Ma o upu a lona gutu ua manana‘o ai isi e fasi o ia.+
7 O le gutu o le tagata valea e fano ai o ia,+Ma o ona laugutu e maileia ai lona ola.
8 O upu a le tagata taufaaleaga e pei o fasi mea‘ai mananaia;*+E folo patatō ifo i totonu o le manava.+
9 O sē e paiē i lana galuega,O ia o le uso o lē e faaleagaina mea.+
10 O le suafa o Ieova o le ʻolo malosi lea.+
E sola atu i ai o lē e amiotonu ma maua ai le puipuiga.*+
11 O le tamaoaiga o lē e mauʻoa o lona aai malupuipuia lea;Ua pei o se pā malupuipuia i lona lava manatu.+
12 O le lotofefete o le tagata e i‘u i le paʻū,+Ma o le lotomaulalo e faamamaluina ai.+
13 Pe a tali atu se tasi i se mataupu ae e leʻi faalogo i le mea moni,O le valea lea ma le faamāina.+
14 E mafai e le agaga o le tagata ona onosaia lona maʻi,+Ae o ai e mafai ona lavātia se agaga ua nutimomoia?*+
15 O le loto o le tagata malamalama e na te maua le poto,+Ma o taliga o ē e atamamai e saʻili i le poto.
16 O le meaalofa a se tagata e tatala ai le ala mo ia;+E na te maua ai le avanoa e feiloaʻi ai ma tagata maualuluga.
17 O lē e tautala muamua i lana mataupu, e foliga mai e saʻo o ia,+Seʻia oo ina sau le isi tagata ma suʻesuʻe auʻiliʻili o ia.+
18 O le faia o vili e faai‘uina ai finauga+Ma fo‘ia ai se mataupu a* ni tagata malolosi se to‘alua o loo finau.
19 O le uso ua lototigā e sili ona faigatā nai lo o se aai malupuipuia,+Ma e iai finauga e pei o pou faalava o faitotoʻa o se ʻolo.+
20 O le fua o faamatalaga a* le tagata e tumu ai lona manava;+E maʻona o ia i fua o ona laugutu.
21 O le ola ma le oti o loo i le malosi o le laulaufaiva;+O ē e naunau i ai e aai i lona fua.+
22 O lē ua maua se avā lelei, ua maua e ia le mea lelei,+Ua maua foʻi e ia le finagalo malie o Ieova.+
23 E ʻaiʻoi atu le tagata mativa a o tautala o ia,A o lē ua mauʻoa e tali malosi mai o ia.
24 E iai aumea e toe lavea le tasi i le isi,+Ae e iai le uō e sili ona alofa faamaoni nai lo o le uso.+
Faamatalaga Pito i Lalo
^ Po o le “ʻinoʻino.”
^ Po o le “e pei o mea e ʻai faaatuatuvale.”
^ Epe., “ma faaeaina ai,” e faasino atu i le tulaga saogalemu.
^ Po o “le matuā leai o se faamoemoe?”
^ Epe., “tuueseese ai.”
^ Po o “le fua o le gutu o.”