Faataoto 13:1-25
13 O le atalii atamai e na te talia aʻoaʻiga a lona tamā,+A o lē e tauemu e lē faalogo i aʻoaʻiga malolosi.*+
2 E ʻai le tagata i mea lelei i le fua o ana faamatalaga,*+A o ē e faa‘ole‘ole e latou te tu‘inanau atu i faiga sauā.
3 O lē e na te leoleo i lona gutu* ua ia puipuia lona ola,+A o lē e faamaga ona laugutu, e iʻu ina malaia o ia.+
4 E manaʻonaʻo le tagata paiē ae e leai se mea iā te ia,+A o lē e galue malosi e faamalieina atoatoa* o ia.+
5 E ʻinoʻino tagata amiotonu i le pepelo,+A o gaoioiga a tagata amioleaga e faamāsiasi ma faalumaina ai.
6 E puipuia e le amiotonu lē ua lē sala lona ala,+Ae e faaleagaina e le amioleaga le tagata agasala.
7 E iai le tagata e faatagā mauʻoa ae e leai lava sana mea;+E iai foʻi le tagata ua faatagā mativa ae e tele lona tamaoaiga.
8 O ʻoa, o le togiola lea mo le ola o le tagata,+A o le tagata mativa e lē faamata‘uina lava.+
9 E susulu* le malamalama o ē e amiotonu,+Ae o le a tineia le molī o ē e amioleaga.+
10 O le faamaualuga e na o le femisaaʻi e i‘u i ai,+Ae e iai le atamai i ē e sa‘ili i fautuaga.*+
11 E faaitiitia ʻoa na vave ona maua,*+A o lē e faasolosolo ona aoaoina,* o le a faateleina lona tamaoaiga.
12 O le faamoemoe ua tuai ona taunuu e maʻi ai le loto,+A o le faanaunauga ua taunuu, o le laau lea o le ola.+
13 O lē ua ʻinoʻino i faatonuga,* e faasalaina o ia,+A o lē e usita‘i i poloaʻiga e tauia o ia.+
14 O le a‘oa‘o* a lē ua atamai o le puna lea o le ola+Ina ia liliuese mai ai se tasi i mailei o le oti.
15 O le tele o le tofā mamao e talileleia ai,A o le ala o ē e taufaa‘ole‘ole e tumu i faafitauli.
16 O lē e iai le utaga mamao e gaoioi ma le poto,+A o lē ua valea e na te faaalialia lona lava valea.+
17 O le avefeʻau leaga e aumaia na o mea leaga,+A o le avefeʻau faamaoni e mālōlō ai.+
18 O lē e tuulafoaʻiina a‘oa‘iga e oo i ai le mativa ma le faalumaina,A o lē e talia faasa‘oga* e faamamaluina o ia.+
19 O faanaunauga ua faataunuuina e suamalie lea i le loto,+A o se mea inosia i ē e vālea le liliuese mai i le leaga.+
20 O lē e savali ma tagata atamamai, e atamai ai o ia,+A o lē e faifaimea faatasi ma tagata vālea, e leaga ai lava o ia.+
21 O tagata agasala e tuliloaina e mala,+A o ē e amiotonu e tauia i latou i faamanuiaga.+
22 O le tagata lelei e na te tuuina se tofi i fanau a lana fanau,A o le tamaoaiga o le tagata agasala, ua teuina lea mo lē e amiotonu.+
23 O le fanua ua galueaʻiina a lē e mativa e fua mai ai le tele o meaʻai,Ae e ono soloiesea* ona o faiga lē tonu.
24 O le tagata ua taofia lana laau* ua ʻinoʻino i lona atalii,+A o lē e alofa i lona atalii e to‘aga e a‘oa‘i o ia.+
25 E ʻai le tagata amiotonu ma maʻona ai o ia,+Ae e mole le manava o lē e amioleaga.+
Faamatalaga Pito i Lalo
^ Po o “faasaʻoga.”
^ Po o le “i le fua o lona gutu.”
^ Po o “ana faamatalaga.”
^ Epe., “e puta.”
^ Epe., “olioli.”
^ Po o le “i ē e soālaupule faatasi.”
^ Po o le “ʻoa na maua mai i mea e lē aogā.”
^ Epe., “e aoaoina mea i ona lima.”
^ Po o “le upu.”
^ Po o le “tulafono.”
^ Po o le “aʻoaʻiga.”
^ Po o le “Ae e ono soloiesea o ia.”
^ Po o le “aʻoaʻiga; faasalaga.”
