O le Tusi Lona Lua o Samuelu 23:1-39
23 O toe upu nei a Tavita:+
“O upu a Tavita le atalii o Iese,+O upu a le tagata ua faaeaina,+O lē ua faauuina+ e le Atua o Iakopo,O le fatupese mālie+ i Isaraelu.
2 O le agaga o Ieova na ou tautala atu ai;+O lana afioga foʻi sa i loʻu laulaufaiva.+
3 Na fetalai mai le Atua o Isaraelu;Na faapea mai le Papa o Isaraelu+ iā te aʻu:
‘Pe a amiotonu lē e pule i tagata,+E pule ma le mataʻu i le Atua,+
4 Ona pei lea o le malamalama o le taeao pe a susulu mai le lā,+O le taeao maninoa.
E pei o le malamalama pe a mavae le timu,E tutupu ai vao mai i le eleele.’+
5 Pe e lē faapena ea loʻu aiga i le silafaga a le Atua?
Auā ua ia osia se feagaiga e faavavau ma aʻu,+Ua saunia lelei i mea uma lava ma ua mausalī.
Auā o loʻu faaolataga lea ma loʻu fiafiaga uma,E mautinoa e na te faatupu lauolaola lo‘u aiga.+
6 Ae ua lafoa‘ia tagata lē aogā uma+ e pei o ni laau tuitui,Auā e lē mafai ona fetagofi i ai ni lima.
7 Pe a tago i ai se tagata,E ao ona iā te ia se auupega uʻamea ma se tao,E ao foʻi ona matuā susunuina i latou i le afi.”
8 O igoa nei o toa malolosi sa iā Tavita:+ o Iosepi-pasete le tagata Hakemoni, o le taʻitaʻi o le toʻatolu.+ Na sii lana tao i tagata e toʻa 800 ma fasiotia i latou i le taimi e tasi.
9 E sosoo atu iā te ia o Eleasaro+ le atalii o Toto,+ o le atalii o Aokia. Sa aofia o ia i toa malolosi e toʻatolu na faatasi ma Tavita ina ua latou faifai iā Filisitia. Na faapotopoto faatasi Filisitia i inā mo le taua, ma ina ua solomuli tagata o Isaraelu,
10 na tū atu pea o ia ma fasia Filisitia seʻia oo ina vaivai ma tigā lona lima mai i le uuina o le pelu.+ Ona aumaia ai lea e Ieova o le manumalo* tele i lenā aso;+ ae ua toe foʻi atu fitafita i ona tua ma talai ofu o ē na fasiotia.
11 Na sosoo atu iā te ia o Saama le atalii o Aka le tagata Arari. Na faapotopoto faatasi Filisitia i Leʻi, lea na iai se fasi fanua ua lilo i atasema; na sosola foʻi fitafita ona o Filisitia.
12 Ae ua tū o ia i le ogatotonu o le fanua ma faasao le fanua ma fasia pea tagata Filisitia, ona aumaia ai lea e Ieova o le manumalo* tele.+
13 E toʻatolu tagata mai i taʻitaʻi e toʻa 30, na ō ifo iā Tavita i le ana o Atulame+ i le taimi o le seleselega; ae ua tolauapi se vaega o Filisitia i le vanu* o Rafaimi.+
14 Sa iai Tavita i lenā taimi i le nofoaga na lafi ai;+ sa iai foʻi le leoleoga a Filisitia i Peteleema.
15 Ona faailoa atu lea e Tavita o lona manaʻo e faapea: “Ta fia inu lava i se vai mai i le vaieli o loo i autafa o le faitotoʻa o Peteleema!”
16 Ona ō atu faamalosi lea o toa malolosi e toʻatolu i le togālauapi a Filisitia, ma asu mai vai mai i le vaieli o loo i autafa o le faitotoʻa o Peteleema, ma aumai iā Tavita; ae na musu o ia e inu ai, ma ua ia sasaa atu iā Ieova.+
17 Ua ia faapea atu: “Ieova e, ia mamao lava ma aʻu ona ou faia o lenei mea! Po ou te inu ea i le toto+ o tagata na lamatia o latou ola?” O lea, na musu ai o ia e inu i le vai. O mea ia na faia e ana toa malolosi e toʻatolu.
18 A o Apisai+ le uso o Ioapo le tama a Seruia,+ o ia o le taʻitaʻi o le isi toʻatolu; na sii lana tao i tagata e toʻa 300 ma fasiotia i latou, ma na tutusa foʻi lona talaaga ma toa e toʻatolu.+
19 E ui lava na sili atu o ia i le to‘atolu o i latou na ia ta‘ita‘ia, ae e na te leʻi ausia le tulaga o uluaʻi toa e toʻatolu.
20 O Penaia+ le atalii o Ioiata, o se tagata toa* o lē na faia le tele o mea i Kapeseelu.+ Na ia fasiotia atalii e toʻalua o Arielu o Moapi, ma na alu ifo foʻi ma fasimate se leona i le lua i le aso na toʻulu ai le kiona.+
21 O ia foʻi na fasiotia se tagata Aikupito e matuā tino ese. E ui sa iai se tao i le lima o le Aikupito, ae na alu atu o ia ma le tootoo ma seʻi ese le tao mai i le lima o le Aikupito, ma fasiotia o ia i lana lava tao.
22 O mea ia na faia e Penaia le atalii o Ioiata; na tutusa foʻi lona talaaga ma toa malolosi e toʻatolu.
23 E ui lava na sili atu o ia i lo o le toʻatolu sefulu, ae e na te leʻi ausia foʻi le tulaga o toa malolosi e toʻatolu. Peita‘i, ua tofia o ia e Tavita e pulea tagata e puipuia lona saogalemu.
24 Sa aofia i le toʻatolu sefulu le uso o Ioapo o Asaelu,+ o Eleana le atalii o Toto mai i Peteleema,+
25 o Saama le tagata Harota, o Elika le tagata Harota,
26 o Helesa+ le tagata Paleta, o Ira+ le atalii o Ikesa le tagata Tikoa,
27 o Apieseru+ le tagata Anatota,+ o Mepuna le tagata Usa,
28 o Salemone le tagata Aokia, o Maarai+ le tagata Netopa,
29 o Helepa le atalii o Panaa le tagata Netopa, o Itai le atalii o Ripai le tagata Kipea mai i le fanauga a Peniamina,
30 o Penaia+ le tagata Piratonu, o Hitai mai i ālia* o Kaasa,+
31 o Api-elepona le tagata Arapa, o Asemau le tagata Paʻuma,
32 o Eliepa le tagata Salapima, o atalii o Iasanu, o Ionatana,
33 o Saama le tagata Arari, o Aiamu le atalii o Saru le tagata Arari,
34 o Elifaleta le atalii o Asepai, o le atalii o le tagata Maakati, o Eliamu le atalii o Aitofele+ le tagata Kilo,
35 o Heserai le tagata Karamelu, o Pagarai le tagata Arapi,
36 o Ikalo le atalii o Natano mai i Sopa, o Pani le tagata Kato,
37 o Seleka le tagata Amonī, o Naarai le tagata Perota, o lē e aveina meatau a Ioapo le tama a Seruia,
38 o Ira le tagata Ietero,+ o Karepa le tagata Ietero,
39 ma Uria+ le tagata Hetī, e toʻa 37 i latou uma.
Faamatalaga Pito i Lalo
^ Po o le “faaolataga.”
^ Po o le “faaolataga.”
^ Po o “le fanua laugatasi.”
^ Epe., “o le atalii o se toa.”
^ Tagaʻi i le Uiga o Upu.
