O le Tusi Lona Lua o Samuelu 22:1-51
22 Ua tautala atu Tavita iā Ieova i upu o lenei pese,+ i le aso na laveaʻiina ai o ia e Ieova mai i lima o ona fili uma,+ atoa ma le lima o Saulo;+
2 ua ia faapea atu:
“O Ieova o loʻu papa, o loʻu ʻolo malosi,+ ma o Lē e lavea‘iina a‘u.+
3 O loʻu Atua o loʻu papa+ lea ou te sulufaʻi i ai,O loʻu talita+ ma le nifo* o loʻu faaolataga,* o loʻu sulufaʻiga malupuipuia,*+Ou te sola atu iā te ia,+ o loʻu faaola;+ e te faaolaina aʻu mai i faiga sauā.
4 Ou te valaau atu iā Ieova, o lē e ao ona viia,Ona faaolaina lea o aʻu mai i oʻu fili.
5 Ua siʻosiʻomia aʻu e galu e oti ai;+Ua ou atuatuvale i tafega malolosi a tagata lē aogā.+
6 Ua siʻomia aʻu e maea o le Tuugamau;*+Ua faafetaia‘ia aʻu e mailei o le oti.+
7 Na ou valaau atu iā Ieova i loʻu puapuaga,+Na ou valaau atu pea i loʻu Atua.
Ona faafofoga mai lea o ia i loʻu leo mai i lona malumalu,Na faafofoga mai foʻi i laʻu alaga atu mo se fesoasoani.+
8 Na lūlūina ma gatete le lalolagi;+Na maluelue faavae o le lagi,+Na lūlūina pea ona o lona toʻasā.+
9 Na alu aʻe le asu mai i ona pogaʻiisu,Na sau mai i lona fofoga le afi e faaumatia ai;+Na mumū mai iā te ia o malala ola.
10 Na ia lolo‘u ifo le lagi a o ia alu ifo,+Na i lalo foʻi o ona vae le ao mafiafia.+
11 Na tiʻetiʻe mai o ia i luga o le kerupi+ o loo lele mai.
Na vaaia o ia i luga o apaʻau o se agelu.*+
12 Ona ia siʻomia lea o ia i le pōuliuli e pei o se faleʻie,+O vai pōuliuli ma ao mafiafia.
13 O le malamalama foʻi i ona luma, na sasao aʻe ai le mumū o malala ola.
14 Na faapā e Ieova le faititili mai i le lagi;+Ua lagona foʻi le tulei mai o le siʻufofoga o le Silisili Ese.+
15 Na ia fana mai ana aū+ ina ia faataapeape ai i latou;Na ia faaemo mai uila ina ia faafenuminumiaʻi ai i latou.+
16 Ua aliali mai le ilititai;+Ua faaalia faavae o le laueleele ona o le aʻoaʻiga a Ieova,Ma le mānava o ona pogaʻiisu.+
17 Na ia faaloaloa lona aao mai i le mea maualuga;Na ia tago mai ma ave aʻe aʻu mai i vai loloto.+
18 Na ia laveaʻiina aʻu mai i loʻu fili malosi,+Mai i ē e feita iā te aʻu, o ē e malolosi atu iā te aʻu.
19 Na latou faafetaia‘ia aʻu i le aso o loʻu malaia,+A o Ieova na lagolago mai iā te aʻu.
20 Na ia aumaia aʻu ma tuu i se mea saogalemu;*+Na ia faasaoina aʻu auā ua ia fiafia iā te aʻu.+
21 Ua tauia aʻu e Ieova e tusa ma laʻu amiotonu;+Ua ia tauia foʻi aʻu e tusa ma oʻu lima mamā.+
22 Auā ua ou tausia ala o Ieova,Ou te leʻi faia foʻi se mea leaga i loʻu tuulafoaʻia o loʻu Atua.
23 Ua i oʻu luma ana faamasinoga uma;+Ou te lē ʻaloese foʻi mai i ana tulafono.+
24 O le a tumau ona ou lē ponā+ i ona luma,Ou te lē faia foʻi se mea sesē.+
25 Ia tauia aʻu e Ieova e tusa ma laʻu amiotonu,+E tusa foʻi ma laʻu amio mamā i lana silafaga.+
26 E te faamaoni i le tagata faamaoni;+E lē ponā au feutagaʻiga ma le tagata e matuā lē ponā;+
27 E te amio mamā i le tagata e amio mamā,+Ae e te faautauta* i le tagata faapiʻopiʻo.+
28 Auā e te faaolaina le tagata lotomaulalo,+Ae e te silasila ma le lē fiafia i ē e faamaualuluga, ma e te faamaulaloina i latou.+
29 Auā o oe, Ieova e, o loʻu molī;+O Ieova foʻi e na te faamalamalamaina loʻu pōuliuli.+
30 O lau fesoasoani ua mafai ai ona ou tetee i le ʻau e faoa mea;O le mana o le Atua ua mafai ai ona ou a‘ea le pā.+
31 E lelei atoatoa le ala o le Atua moni;+Ua faamamāina le afioga a Ieova.+
O le talita o ia i ē uma e sulufaʻi atu iā te ia.+
32 Auā o ai se Atua e ese mai iā Ieova?+
O ai foʻi se papa e ese mai i lo tatou Atua?+
33 O le Atua moni o loʻu ʻolo malosi lea,+E na te faia foʻi loʻu ala ia lelei atoatoa.+
34 E na te faia oʻu vae e pei o vae o se ʻaila;E na te faatūina aʻu i mea maualuluga ou te lē gafatia.+
35 E na te aʻoaʻo oʻu lima mo le taua;Ua lolo‘u foʻi e oʻu lima se ʻaufana ʻapamemea.
36 E te tuuina mai iā te aʻu lau talita o le faaolataga,O lou agamalu* fo‘i ua faasilisiliina ai aʻu.+
37 Ua e faalautele le mea ou te savali ai;E lē see foʻi oʻu vae.*+
38 Ou te tuliloa oʻu fili ma fasiotia i latou;Ou te lē foʻi mai seʻia faaumatia i latou.
39 Ou te faaumatia ma nutililiia i latou ina ia lē mafai ona toe tutū i luga;+E latou te paʻuʻū foʻi i lalo o oʻu vae.
40 E te faaauupegaina aʻu i le malosi mo le taua;+E te faia foʻi o‘u fili ia paʻuʻū i lalo.+
41 E te faia o‘u fili ina ia sosola ese mai iā te aʻu;+Ou te faaumatia* o ē e ita mai iā te aʻu.+
42 E latou te alalaga mo se fesoasoani, ae e leai sē e faaolaina i latou;E alalaga atu foʻi iā Ieova, ae e lē tali mai o ia iā i latou.+
43 Ou te tu‘ininiia i latou e pei o le pefu o le eleele;Ou te tu‘ipala ma solipala i latou e pei o le palapala o le auala.
44 E te laveaʻiina aʻu mai i loʻu nuu vaavaai masei.+
E te leoleoina aʻu ia avea ma ulu o atunuu;+E auauna mai foʻi iā te aʻu se nuu ou te leʻi iloaina.+
45 E ō mai ma le gatete tagata ese i oʻu luma;+O le a latou usiusitaʻi iā te aʻu ona o mea e faalogo ai e uiga iā te aʻu.
46 E mou atu le lototele o tagata ese;E latou te ō mai ma le gatete mai i mea e puipuia ai i latou.
47 O loo soifua Ieova! Ia viia loʻu Papa!+
Ia faaeaina foʻi le Atua o le papa o loʻu faaolataga.+
48 E faia e le Atua moni le tauimasui mo aʻu;+E na te faatoʻilaloina tagata iā te aʻu;+
49 E na te laveaʻi aʻu mai i oʻu fili.
E te faaeaina aʻu+ e sili i ē e osofa‘ia aʻu;E te laveaʻiina foʻi aʻu mai i le tagata faasauā.+
50 Ieova e, o le mea lea ou te faafetai atu ai iā te oe i luma o atunuu,+Ou te usuina foʻi viiga* i lou suafa:+
51 E na te faia galuega tetele o le faaolataga* mo lana tupu;+E alofa faamaoni o ia i lē ua ia faauuina,Iā Tavita ma lana fanau e oo i le faavavau.”+
Faamatalaga Pito i Lalo
^ Tagaʻi i le Uiga o Upu.
^ Po o “loʻu faaola malosi.”
^ Po o le “ʻolo malupuipuia.”
^ Po o “Seoli.” Tagaʻi i le Uiga o Upu.
^ Po o “le matagi.”
^ Po o “se mea lautele.”
^ Pe atonu “faatagā valea.”
^ Epe., “faamaulalo.”
^ Po o “tapuvae.”
^ Epe., “faafilemu.”
^ Po o le “tā ma usuina pese.”
^ Po o le “faia manumalo tetele.”
