O le Tusi Lona Lua o Nofoaiga a Tupu 4:1-22
4 Ona ia faia lea o le fata faitaulaga ʻapamemea+ e 20 kupita le umi, e 20 kupita le lautele, ae e 10 kupita le maualuga.
2 Na ia faia le faatanoa vai telē*+ ʻapamemea, e faataaliʻoliʻo ma e 10 kupita e amata mai i le tasi augutu i le isi augutu. E 5 kupita lona maualuga, ma e 30 kupita le umi o le manoa e fua faataamilo ai.+
3 Sa iai foʻi teuteu o vine vao+ sa si‘o ai lalo ifo o lona augutu, e ta‘isefulu teuteu o vine vao i le kupita e faataamilo i le faatanoa vai. E taʻilua laina o vine vao na teuteuina ai.
4 Ua faatū le faatanoa vai i luga o povi poʻa e 12,+ e 3 e faasasaga i le itu i mātū, e 3 e faasasaga i le itu i sisifo, e 3 e faasasaga i le itu i saute, ma e 3 e faasasaga i le itu i sasaʻe; ua tuu i o latou luga le faatanoa vai, ma o loo ū o latou tua i le ogatotonu.
5 O lona mafiafia e tusa lea ma le lautele o le alofilima,* ma o lona augutu e faia e pei o le augutu o le ipu tī, e tai pei o le fugālaau o le lili. O le tele o le vai e mafai ona tumu ai le faatanoa vai, e 3,000 paita.*
6 Ua ia faia foʻi faatanoa lāiti e sefulu, ma tuu le lima i le itu taumatau ma le lima i le itu tauagavale,+ e fufulu ai mea e fai ai taulaga mū.+ A o le faatanoa vai telē e mo le ʻauositaulaga e fulufulu ai.+
7 Ona ia faia lea o tuugāmolī auro+ e sefulu, e tusa ai ma le fausaga e faia ai,+ ma ua tuu i totonu o le malumalu, e lima i le itu taumatau ma le isi lima i le itu tauagavale.+
8 Ua ia faia foʻi laulau e sefulu ma faatutū i le malumalu, e lima i le itu taumatau ma le lima i le itu tauagavale,+ ua ia faia foʻi ipu auro faaofuofu e 100.
9 Ona ia faia lea o le lotoā+ o ositaulaga,+ ma le lotoā tele+ ma ona faitotoʻa, ua ia ufitia foʻi faitotoʻa i le ʻapamemea.
10 Ae ua ia tuu le faatanoa vai telē i le itu taumatau, e faasaga i le itu i saute i sasa‘e.+
11 Na faia foʻi e Hiramo o ‘apa, o suō, ma ipu faaofuofu.+
Ua faamāe‘a e Hiramo galuega na ia faia mo le tupu o Solomona i le fale o le Atua moni:+
12 o poutū e lua+ ma ulupou faaofuofu i luga o tumutumu o poutū e lua; o mea valavala+ e lua e ufiufi ai ulupou faaofuofu e lua, i luga o tumutumu o poutū;
13 o rimoni e 400+ mo mea valavala e lua, e lua laina o rimoni i le mea valavala e tasi, e ufiufi ai ulupou faaofuofu e lua i luga o poutū;+
14 o taavale toso e sefulu ma faatanoa lāiti e sefulu i luga o taavale toso;+
15 o le faatanoa vai telē ma povi poʻa e 12 i lalo ifo o le faatanoa vai telē;+
16 o ʻapa, o suō, o tui,+ ma ipu uma, na faia e Hiramo-apiu+ i le ʻapamemea iila, mo le tupu o Solomona mo le fale o Ieova.
17 Na faia e le tupu nei mea i le itumalo o Ioritana i le vā o Sukota+ ma Seleta, e faaaogā ai ipu omea.
18 Na faia e Solomona nei mea uma e matuā tele lava; e leʻi iloa foʻi le mamafa o le ʻapamemea.+
19 Na faia e Solomona mea uma+ mo le fale o le Atua moni: o le fata faitaulaga auro;+ o laulau+ ma falaoa e laulauina o loo tuu ai i luga;+
20 o tuugāmolī auro māoʻi ma o latou molī,+ e mumū ai i luma o le potu pito i totonu e tusa ai ma le tulafono;
21 o fugālaau, o molī, ma iofi, e faia uma i le auro, o le auro e sili ona lelei;
22 o seleulu,* o ipu faaofuofu, o ipu tī, o salefu,* o auro māoʻi ia, o le mea e ulufale atu ai i le fale, o faitotoʻa pito i totonu o le Mea e Sili Ona Paia,+ ma faitotoʻa foʻi o le fale o le malumalu, o auro ia.+
Faamatalaga Pito i Lalo
^ Epe., “Sami.”
^ Tagaʻi i le Uiga o Upu.
^ O se mea e pei o se tamaʻi suō e aveese ai malala mai i le afi.
