O le Tusi Muamua i le Faapotopotoga i Tesalonia 1:1-10

  • Faafeiloa‘iga (1)

  • Faafetaia uso i Tesalonia i lo latou faatuatua (2-10)

1  O i matou o Paulo, o Siluano*+ ma Timoteo,+ o le tusi lenei i le faapotopotoga i Tesalonia, o ē ua autasi i le Atua le Tamā ma le Alii o Iesu Keriso: Tau ina ia iā te outou le agalelei faifua ma le filemu mai i le Atua.  E matou te faafetai e lē aunoa i le Atua pe a matou taʻua outou uma i a matou tatalo,+  auā ua matou manatua pea a outou galuega o le faatuatua, o lo outou tautigā ma le alofa, ma lo outou tumau ona o le faamoemoe+ i lo tatou Alii o Iesu Keriso i le silafaga a lo tatou Atua le Tamā.  Le ʻauuso e, ua matou iloa ua filifilia ma alofagia outou e le Atua,  auā e leʻi oo atu le tala lelei na matou talaʻia iā te outou na o le upu, ae faatasi ai ma le mana ma le agaga paia, atoa ma le matuā mautinoa lava. Ua outou iloa foʻi uiga sa matou faaalia mo lo outou lelei a o tatou faatasi.  Sa outou faaaʻoaʻo foʻi iā i matou+ atoa ma le Alii,+ auā ua outou taliaina le upu ma le olioli ona o le agaga paia, e ui i le tele o puapuaga,+  ona avea ai lea o outou ma faaaʻoaʻoga i ē uma e talitonu i Maketonia ma Akaia.  E moni, e lē na o Maketonia ma Akaia na outou talaʻi atu ai le afioga a Ieova,* ae ua salalau atu i nofoaga uma le tala i lo outou faatuatua i le Atua,+ ma ua leai ai sa matou upu e fai atu.  Auā ua latou faamatala atu pea le taimi muamua na matou oo atu ai iā te outou, ma lo outou liliu atu i le Atua mai i tupua,+ ina ia pologa i le Atua soifua ma lē e moni, 10  ma faatali atu i lona Alo mai i le lagi,+ o lē na ia toe faatūina mai i le oti, o Iesu lea, o lē e na te laveaʻiina i tatou mai i le toʻasā o le Atua o loo faaloloʻi mai.+

Faamatalaga Pito i Lalo

E igoa foʻi iā Sila.
Tagaʻi i le Faa. A5.