O le Tusi Muamua i le Faapotopotoga i Korinito 2:1-16
2 O lea, ina ua ou alu atu iā te outou le ʻauuso e, ou te leʻi alu atu ma ni upu faigatā+ po o le tele o le atamai, e folafola atu ai le mea lilo paia+ a le Atua iā te outou.
2 Na ou manatu ia ou lē iloa se isi mea a o oʻu iai iā te outou, ae tau lava o Iesu Keriso o lē na tutuʻi i luga o le laau.+
3 Na ou alu atu foʻi iā te outou i le vaivai, ma le fefe, ma le gatete tele;
4 ma o aʻu upu ma mea na ou talaʻia, e leʻi faia i ni upu atamai e faatosina ai, ae i le faaalia ai o le agaga ma le mana o le Atua,+
5 ina ia outou lē faatuatua i le atamai o tagata, ae o le mana o le Atua.
6 Ua tatou tautatala atu e uiga i le atamai i tagata ua matutua faaleagaga,+ ae e lē o le atamai e maua i lenei lalolagi, po o pule o lenei lalolagi o ē o le a mavae atu.+
7 Ae ua tatou tautatala atu i le atamai o le Atua i le mea lilo paia,+ le atamai sa natia, lea na muaʻi tofia e le Atua mo le faamamaluina o i tatou, a o leʻi iai faiga o mea a le lalolagi.
8 E leai se pule o lenei faiga o mea a le lalolagi* na iloa lenei atamai,+ auā ana latou iloa, e latou te lē faaoo le faasalaga i* le Alii mamalu.
9 Ae e pei ona tusia: “E leʻi vāai mata, e leʻi faalogo taliga, ma e leʻi lagona foʻi e loto o tagata mea ua saunia e le Atua mo ē e alolofa iā te ia.”+
10 Auā ua faaalia mai e le Atua+ iā i tatou nei mea e ala i lona agaga,+ auā e suʻesuʻe le agaga i mea uma, e oo lava i mea loloto a le Atua.+
11 O ai se tasi ua ia iloa mea o loo i le loto o le tagata, seʻi vaganā ai le agaga o le tagata o loo i totonu iā te ia? E leai foʻi se tasi e iloa mea o i le finagalo o le Atua, seʻi vaganā ua faaalia mai e le agaga o le Atua.
12 E tatou te leʻi maua le agaga o le lalolagi, a o le agaga mai i le Atua+ ina ia tatou iloa ai mea ua foaʻi mai ma le agalelei e le Atua iā i tatou.
13 O mea foʻi nei ua tatou tautatala atu ai, e lē o ni upu na aʻoaʻo mai e le atamai o tagata+ a o mea na aʻoaʻo mai e le agaga,+ a o tatou faamatala atu mea faaleagaga i upu faaleagaga.
14 Ae e lē taliaina* e le tagata faaletino mea ua faaalia mai e le agaga o le Atua, auā o mea valea ia iā te ia; e lē mafai foʻi ona ia iloa na mea auā o loo suʻesuʻeina faaleagaga.
15 Peitaʻi, e suʻesuʻeina e le tagata faaleagaga mea uma lava,+ ae e leai se tagata e na te suʻesuʻeina o ia.
16 Auā “po o ai e na te iloa le finagalo o Ieova,* e na te faatonu ai o ia?”+ Ae ua tatou iloa le finagalo o Keriso.+
Faamatalaga Pito i Lalo
^ Tagaʻi i le Uiga o Upu.
^ Po o le “lē tutu‘iina i luga o le laau.”
^ Po o le “lē maua.”
