Salamo 144:1-15

O le pese a Tavita. 144  Ia viia Ieova loʻu Papa,+O lē na te aʻoaʻoina oʻu lima i le taua,+Ma oʻu tamatamaʻilima e fai ai le taua.   O lē e alofa faamaoni iā te aʻu, ma o loʻu lafitaga,+O loʻu ʻolo e saogalemu ai ma o Lē e saunia se mea ou te sao ai,+O loʻu talita+ ma o Lē ou te sulufaʻi atu i ai,+O Lē na te faatoʻilaloina nuu ona o aʻu.+   Ieova e, o le ā ea le tagata e te silasila mai ai iā te ia,+Ma le atalii o le tagata+ e te manatu mai ai iā te ia?   O le tagata e tusa ia ma le mānava;+Ua pei ona aso o le ata lafoia e mavae atu.+   Ieova e, ia loloʻu ifo lou lagi ina ia e afio ifo ai;+Ia e papaʻi atu i mauga ina ia pupusa mai ai le asu.+   Ia e faaemo mai ou uila ina ia e faataapeape ai i latou;+Ia e tafana atu foʻi au aū ina ia e faafenuminumiaʻi ai i latou.+   Ia aapa mai ou aao mai i lugā;+Ia faasaʻoloto aʻu ma laveaʻi aʻu mai i vai e tele,+Mai i lima o tagata ese,+   O ē e tautatala o latou gutu i mea e lē moni+Ma o o latou lima taumatau foʻi, o lima taumatau pepelo ia.+   Le Atua e, ou te usu atu iā te oe se pese fou.+Ou te fai pesega iā te oe i le meafaifaaili e sefulu ona uaua,+ 10  O Lē e na te avatua le faaolataga i tupu,+O Lē foʻi ua faasaʻolotoina lana auauna o Tavita mai i le pelu e faamanuʻa ai.+ 11  Ia e faasaʻoloto aʻu ma laveaʻi iā te aʻu mai i lima o tagata ese,+O ē e tautatala o latou gutu i mea e lē moni+Ma o o latou lima taumatau foʻi, o lima taumatau pepelo ia,+ 12  O ē ua faapea mai: “O o matou atalii e pei o tamaʻi laau ua tutupu aʻe a o talavou i latou,+O o matou afafine foʻi, e pei o tulimanu ua vaneina mo le maota o le tupu, 13  Ua tutumu o matou fale tuu saito i ituaiga o fua eseese,+Ua faateleina foʻi i le faitau afe ma faitau sefulu afe a matou lafu mamoe i o matou auala, 14  Ua totō a matou povi, ae e leʻi tigāina pe paʻuʻū a latou tama,+E leai foʻi se alaga i o matou nofoaga faitele.+ 15  E fiafia le nuu o loo faapena i latou!”E fiafia foʻi le nuu e fai Ieova ma o latou Atua!+

Faamatalaga Pito i Lalo