O le ā le Manatu o le Tusi Paia?
Po o le a iai ea se faamasinogatonu i le lalolagi?
O le ā lau tali?
Ioe
Leai
Atonu
Le manatu o le Tusi Paia
“Ua ou iloa lelei e finau Ieova mo lē ua puapuagatia, ma faia le faamasinoga mo ē ua matitiva.” (Salamo 140:12) O le a aumaia e le Malo o le Atua le faamasinogatonu i le lalolagi.
Isi mea e tatou te aʻoaʻoina mai i le Tusi Paia
O loo silafia e le Atua faamasinoga lē tonu o loo iai i le lalolagi i aso nei, ma o le a ia faasaʻoina.
—Failauga 5:8. O le faamasinogatonu mai i le Atua o le a aumaia ai le filemu ma le saogalemu i le lalolagi.
—Isaia 32:16-18.
Pe e faasilia e le Atua se ituaiga o tagata nai lo o isi?
E manatu nisi e faamanuia pe faamalaia e le Atua se vaega patino o tagata, ae e manatu isi e lē faailoga tagata le Atua. Ae o le ā sou manatu?
Le manatu o le Tusi Paia
“E lē faailogaina tagata e le Atua, ae o lē e mataʻu iā te ia i nuu uma lava, ma fai le amiotonu, e talia e ia.” (Galuega 10:34, 35) I le silafaga a le Atua, e tutusa tagata uma.
Isi mea e tatou te aʻoaʻoina mai i le Tusi Paia
O loo iai i le Tusi Paia le “tala lelei” mo “nuu uma, ma ituaiga uma, ma gagana uma, ma tagata uma.”
—Faaaliga 14:6.
E te Ono Fiafia Foʻi
TALIINA O FESILI FAALE-TUSI PAIA
Pe e Tuuaʻia le Atua mo o Tatou Mafatiaga?
E mafai ona aafia so o se tasi i mafatiaga, e oo lava iā i latou e finagalo malie i ai le Atua. Aiseā?
SUIA E LE TUSI PAIA OLAGA
Na ou Manaʻo e Faatoʻilalo Faiga lē Tonu
Na auai Rafika i se vaega tetee na mananaʻo e faamuta faiga lē tonu. Ae na ia iloa mulimuli ane folafolaga a le Tusi Paia e faatatau i le filemu ma le faamasinotonu i le pulega a le Malo o le Atua.
