Alu i mataupu o loo iai

Alu i le lisi o mataupu

Taliina Fesili Faale-Tusi Paia

Taliina Fesili Faale-Tusi Paia

O ā aogā e tatou te maua mai i le maliu o Iesu?

Na foafoaina e le Atua le tagata ina ia ola e faavavau i le lalolagi e aunoa ma ni maʻi ma le oti. Peitaʻi, na lē usitaʻi le uluaʻi tagata o Atamu i le Atua, ma leiloa ai le faamoemoe matagofie o le ola e faavavau. I le avea ai o i tatou ma fanau a Atamu, ua tatou aafia ai i le oti lea na tuufaasolo mai iā te ia. (Roma 5:8, 12; 6:23) Na auina mai e Ieova le Atua lona Alo o Iesu i le lalolagi, e maliu ina ia toe faafoʻisia mai ai le ola lea na leiloa iā Atamu.​—Faitau le Ioane 3:16.

Na maliu Iesu ina ia toe maua ai e tagata le ola e faavavau. Faamata o le ā le ituaiga o olaga o le a iai le lalolagi i le lumanaʻi?

O le maliu o Iesu ua faamagaloina ai a tatou agasala, ma toe maua ai le faamoemoe o le ola e faavavau. Ua faamatala mai e le Tusi Paia le tulaga o le a iai le olaga i le lalolagi; o le a lē toe iai le soifua matua, o faamaʻi ma le oti.​—Faitau le Isaia 25:8; 33:24; Faaaliga 21:4, 5.

E faapefea ona tatou faamanatuina le maliu o Iesu?

I le afiafipō a o lumanaʻi lona maliu, na fetalai atu ai Iesu i ona soo ina ia faamanatuina lona maliu e ala i le faia o se sauniga faigofie. O le faamanatuina o le maliu o Iesu i tausaga taʻitasi, ua mafai ai ona tatou manatunatu i le tele o le alofa o Ieova ma Iesu i tagata.​—Faitau le Luka 22:19, 20; 1 Ioane 4:9, 10.

I lenei tausaga, o le a faamanatuina le maliu o Iesu i le Aso Gafua, Aperila 14, pe a goto le lā. E valaaulia ma le māfana oe e auai i lenā sauniga faatasi ma Molimau a Ieova o loo i lou vaipanoa.​—Faitau le Roma 1:11, 12.