Skip to content

Skip to table of contents

 MATAUPU AUTŪ | O LE Ā LE MEAALOFA SILI?

“O le Meaalofa Sili Lea ua Ou Mauaina”

“O le Meaalofa Sili Lea ua Ou Mauaina”

O faalogona na o se teineitiiti e 13 tausaga, ina ua ia maua se meaalofa o se maile e tausi faafagafao. Na faapea mai se tamaʻitaʻi faipisinisi taulau manuia, a o iai o ia i se kolisi na avatu ai e lona tamā se komepiuta, ma o se meaalofa na suia ai lona olaga. Na manatu foʻi se tane faatoʻā uma ona faaipoipo, o le card na faia e lana avā mo le faamanatuina o le tausaga talu ona la faaipoipo, o se meaalofa sili lea ua ia mauaina.

I tausaga taʻitasi, e faaalu e le toʻatele le tele o le taimi ma taumafaiga e saʻilia se meaalofa “sili” mo se uō, po o se tauaiga i se aso faapitoa. O le toʻatele e fiafia pe a talisapaia e isi se meaalofa, e pei ona faaalia i tali a isi na taʻua muamua. Ae e faapefea oe? Pe e te fiafia e foaʻi atu pe talia se meaalofa e matuā tāua?

O na faanaunauga e maua ai le fiafia ona e lē gata e iai le aafiaga i lē e mauaina le meaalofa, ae e lagona ai foʻi e lē na foaʻi atu le fiafia. Ua faapea mai le Tusi Paia: “E sili le fiafia e maua i le foaʻi atu i lo o le talia mai.” (Galuega 20:35) E moni e faateleina le fiafia e foaʻi atu, pe afai e matuā faatāua le meaalofa e lē na mauaina le meaalofa.

O lea, e faapefea i lau meaalofa ona avea o se puna o le fiafia moni mo oe ma lē e mauaina? Pe afai foʻi e lē mafai ona e avatu se meaalofa “sili,” o le ā e mafai ona e faia ina ia talisapaia moni ai lau meaalofa?