Skip to content

Skip to table of contents

 MATAUPU AUTŪ | PO O E PULEA LOU OLAGA?

Le Luʻi: Faalogona Lē Saʻo

Le Luʻi: Faalogona Lē Saʻo

PO O pulea oe i faalogona e pei o le faanoanoa, ita po o le ita faaumiumi? Pe afai ioe, atonu la ua itiiti lou taimi po o le malosi e faia ai mea e sili ona tāua. O le ā se mea e te ono faia e faatatau i lenei tulaga? *

FAAAʻOAʻOGA FAALE-TUSI PAIA: TAVITA

Sa feagai le tupu o Tavita ma le tele o faalogona eseese, e aofia ai le popole ma le faanoanoa. Peitaʻi, sa mafai ona ia faaauau pea ona sa ia tuu atu mataupu i aao o Ieova. (1 Samuelu 24:12, 15) Sa ia tusia foʻi ona faalogona, ma i le avea ai ma tane faatuatua, sa tatalo e lē aunoa o ia. *

MEA UA FAIA E GREGORY

E pei ona taʻua i le mataupu amata, o loo tauivi Gregory ma le maʻi o le matuā lē mafai ona fai o se mea pe a oo ina matuā popole. Ua faapea mai o ia: “Pe a oo ina matuā ova loʻu popole, e matuā lē mafai ona pulea.” Na faapefea ona toe pulea e Gregory lona tulaga? Ua ia taʻua: “Ina ia ou toe maua se tulaga paleni, sa ou talia le fesoasoani a laʻu avā ma aʻu uō. Sa ou talanoa foʻi i se fomaʻi ma ou malamalama atili ai e faatatau i loʻu tulaga. Ina ua suia nisi o aʻu masaniga i le olaga, sa amata loa ona ou lagona ua mafai ona ou pulea loʻu tulaga. E ui lava o loo oʻu lagona pea sina popole, ae ua ou iloa mea e māfua ai ma le auala e foʻia ai.”

“O le loto e fiafia e aogā auā e mālōlō ai.”​—Faataoto 17:22

MEA E MAFAI ONA E FAIA

Pe afai o loo pulea lou olaga i faalogona lē saʻo, ia taumafai e fai mea nei:

  • Ia tusi i se api ou faalogona.

  • Faailoa atu i sou tauaiga vavalalata po o sau uō ou faalogona.

  • Aua e te lolo atu i ou faalogona lē saʻo. Ia fesili ifo iā te oe lava, ʻPe e iai se faamaoniga e lagolagoina ai lenei faalogona lē saʻo e faatatau iā te aʻu?’

  • Aua neʻi alu uma lou taimi ma le malosi i faalogona popole, ita po o le ita faaumiumi, ae ia faaaogā lou malosi i se mea e sili atu ona tāua. *

Manatu Autū: O le tulaga masani, e lē māfua faalogona lē saʻo ona o mea e tutupu iā i tatou, ae ona o le auala e tatou te manatu ai i na mea.

^ pala. 3 O nisi faalogona lē saʻo e māfua ona o se faafitauli i le soifua mālōlōina, ma atonu e manaʻomia ai se togafitiga faafomaʻi. E lē o fautuaina e le Ala Mai! ni togafitiga faapitoa. E tatau i tagata taʻitoʻatasi ona iloilo lelei togafitiga a o leʻi faia sana faaiʻuga.

^ pala. 5 O le tele o salamo i le Tusi Paia, o tatalo a Tavita sa ia tusia.

^ pala. 13 Mo nisi faamatalaga, tagaʻi i le faasologa o mataupu “Auala e Feagai ai ma Popolega,” i Le Olomatamata o Iulai 1, 2015.