Skip to content

Skip to table of contents

 PE NA TEʻI LAVA UA IAI?

Gutu o le Kolokotaila

Gutu o le Kolokotaila

O LE kolokotaila e aupito i malosi lana ū i meaola uma o loo iai nei. O se faaaʻoaʻoga, o le kolokotaila sami e maua e lata i Ausetalia, e toetoe tolu taimi e malosi atu ai lana ū nai lo o se leona po o se taika. Peitaʻi, e sili atu ona faigofie ona lagona mea i totonu o le gutu o le kolokotaila, nai lo o mea e lagona i le tumutumu o le tamatamaʻi lima o se tagata. E faapefea ona tupu lenā mea, aemaise e malō le paʻu o le kolokotaila?

E iai i totonu o le gutu o le kolokotaila le faitau afe o neula e lagona ai mea. Na faapea mai Duncan Leitch i le māeʻa ai o ana suʻesuʻega: “O pito o neula taʻitasi, e sau mai i se pū i le atigipoo.” O lenei auala e mafai ai ona puipuia neula i totonu o le gutu. O nisi vaega o le gutu o le kolokotaila e faigofie atu ona lagonaina mea, nai lo o mea e lagona e masini. O lea e mafai e le kolokotaila ona iloa le eseesega o lapisi ma meaʻai i totonu o lona gutu. O le pogai foʻi lea e mafai ai e se kolokotaila fafine ona feaveaʻi lana fanau i totonu o lona gutu, e aunoa ma le nutipalaina o i latou. E mataʻina la le gutu o le kolokotaila, ona e malosi tele ma e na te lagonaina foʻi le tele o mea.

O le ā sou manatu? Pe na teʻi lava ua iai le gutu o le kolokotaila? Pe na foafoaina?