Skip to content

Skip to table of contents

 MATAUPU AUTŪ | O LE Ā EA LE AOGĀ E OLA AI?

E Iai se Faamoemoe

E Iai se Faamoemoe

“O ē e agamalu, e fai mo i latou le lalolagi, E matuā faafiafiaina foʻi i latou ona o le tele o le filemu.”​—SALAMO 37:11.

Ua taʻua i le Tusi Paia le olaga o le tagata, e “puupuu ona aso ma ua tumu i le atuatuvale.” (Iopu 14:1) Ua aafia le soifua o tagata uma i puapuaga eseese i aso nei. O nisi ua manatu e peiseaʻī ua leai se faamoemoe. Pe e faapena ou faalogona? Afai o lenā, ia e silafia o loo i le Tusi Paia se faamoemoe mautinoa mo oe faapea foʻi tagata uma. O se faaaʻoaʻoga:

  • Ua aʻoaʻo mai e le Tusi Paia e faapea e finagalo Ieova le Atua e tatou te ola i se olaga e sili atu ona fiafia.​—Kenese 1:28.

  • Ua folafola mai e Ieova le Atua le toe faafoʻisia o lo tatou lalolagi e avea ma parataiso.​—Isaia 65:21-25.

  • O le a faataunuu moni lava le folafolaga lenei. Ua faapea mai le Faaaliga 21:3, 4:

    “Ua iai i tagata le faleʻie o le Atua, e mau o ia ma i latou, e fai foʻi i latou ma ona tagata. E faatasi foʻi le Atua ma i latou. E na te soloiesea foʻi loimata uma i o latou mata, e lē toe iai se oti, po o se faanoanoa, po o se tagiauē, e lē toe iai foʻi se tigā. Auā ua mavae atu mea muamua.”

O lenā faamoemoe ua lē na o ni moomooga faivavale. E finagalo Ieova le Atua ia tupu moni lava, e iai lona mana ma e naunau ina ia faataunuuina. E maufaatuatuaina lenei faamoemoe ua faailoa mai e le Tusi Paia, ma ua saunia ai se tali mautinoa mo le fesili, “O le ā ea le aogā e ola ai?”

IA MANATUA: E ui ina fesouaʻiina lagona e pei ona felafoaʻi o se vaa i peau o le sami, peitaʻi, e mafai ona avea le faamoemoe o loo i le Tusi Paia ma taula e faamausalīina ai oe.

LE MEA E MAFAI ONA E FAIA NEI: Ia amata ona suʻesuʻeina po o le ā le faamoemoe moni o loo i le Tusi Paia e uiga i le lumanaʻi. E fiafia Molimau a Ieova e fesoasoani atu iā te oe. E mafai ona e faafesootaʻi se Molimau a Ieova e lata ane, pe saʻilia foʻi nisi faamatalaga aogā i la latou tuatusi i le Initaneti, jw.org. *

^ pala. 11 Fautuaga: Tagaʻi i le jw.org i le AʻOAʻOGA A LE TUSI PAIA > LOMIGA FAALE-TUSI PAIA I LE INITANETI. Ia tā upu e pei o le “lotomafatia faaumiumi” po o le “pule i le ola” mo nisi faamatalaga.