Mo Iloiloga a le Aiga

O le ā e Lē o Saʻo i Lenei Ata?

Faitau le Ioane 2:13-17. O ā vala e fā o lenei ata e lē o saʻo? Tusi au tali i laina o loo i lalo, ma vali faauma le ata.

1. ․․․․․

2. ․․․․․

3. ․․․․․

4. ․․․․․

MO TALANOAGA:

Aiseā na tutuli ai i fafo e Iesu nei tamāloloa mai le malumalu?

FESOASOANI: Faitau le Mareko 11:17.

Aiseā o se mea sesē ai mo i latou le faatau mai ma faatau atu o oloa i totonu o le malumalu?

FESOASOANI: Faitau le 2 Korinito 2:17.

Ina ia faafiafia Ieova, o le ā e tatau ona avea ma uunaʻiga mo i tatou e auauna ai iā te ia?

FESOASOANI: Faitau le Mataio 22:36-40; 1 Peteru 5:2.

FAI FAATASI E LE AIGA:

I se fasi pepa, tusi se ata o se galuega e mafai ona e faia e faaalia ai le alofa lē manatu faapito mo Ieova ma isi. Faaali atu lau pepa i lou aiga, ma faatulaga se taimi e mafai ai ona outou faatino faatasi uma lenā galuega.

 Faaputu ma Aʻoaʻo Mai Ai

ʻOti, gaulua ma teu

PEPA NUMERA 15 TAVITA

FESILI

A. O le ā le aai e tasi na fananau uma ai Tavita ma Iesu?

E. A o talavou, na avea Tavita o se ․․․․․, o lē na fasi matea ma le lototele se ․․․․․, ma se ․․․․․,

I. Faauma mai le faamatalaga a Tavita: “O oe foʻi Solomona e loʻu atalii, ia e iloa le . . . ”

[Siata]

4026 T.L.M. 1 T.A. 98 T.A.

Na foafoaina ai Atamu Na soifua e tusa Tusia le tusi

o le 1000 T.L.M. mulimuli o le Tusi Paia

[Faafanua]

Siitia mai i Peteleema agaʻi i Ierusalema

Ierusalema

Peteleema

Fanua laugatasi o Ele

Tau ma Koliata i le fanua laugatasi o Ele.—1 Samuelu 17:2

TAVITA

TALAAGA

O le atalii o Iese, ma o le tupu lona lua o Isaraelu. O se fatusolo atamai ma o se faimusika, na tusia e Tavita le silia i le 73 salamo. Na ia saʻilia ma le lotomaulalo le taʻitaʻiga a Ieova i lona olaga. (1 Samuelu 23:2; 30:8; 2 Samuelu 2:1) Na taʻua e Ieova Tavita “o se tagata ua malie i ai [lona] loto.”—Galuega 13:22.

TALI

A. Peteleema (i Iutaia).—Ioane 7:42.

E. leoleo mamoe, leona, pea.​—1 Samuelu 17:34, 35; Salamo 78:70, 71.

I. “ .  Atua o lou tamā ma ia auauna atu iā te ia ma le lotoatoa.”​—1 Nofoaiga a Tupu 28:9.

PEPA NUMERA 16 TIMOTEO

FESILI

A. Faatumu avanoa. Na aʻoaʻoina Timoteo i “tusitusiga paia” mai lava o ․․․․․, e lona tinā o ․․․․․, ma le tinā o lona tinā o ․․․․․,

E. O le ā le valaaulia faapitoa na talia e le talavou o Timoteo?

I. Na fai atu Paulo iā Timoteo: “I le pei o se atalii ma lona tamā, . . . ”

[Siata]

4026 T.L.M. 1 T.A. 98 T.A.

Na foafoaina ai Atamu Na soifua i le uluaʻi Tusia le tusi

senituri T.A. mulimuli o le Tusi Paia

[Faafanua]

Sa nofo i Lusa ae sa taʻuleleia foʻi e uso i Ikonio

Lusa

Ikonio

Ierusalema

TIMOTEO

TALAAGA

E ui lava e lē talitonu lona tamā, ae sa fai o ia “ma faaaʻoaʻo i ē e faamaoni i le tautala, ma le amio, ma le alofa, ma le faatuatua, ma le amio mamā.” (1 Timoteo 4:12) Sa ia faatatauina le fautuaga a le Tusi Paia: “Ia aʻoaʻo oe lava ia fai ma ou sini le faamaoni i le Atua.” (1 Timoteo 4:7) Pe tusa ma le 15 tausaga o fesoasoani Timoteo i le aposetolo o Paulo.

TALI

A. laʻitiiti, Eunike, Loi,.​—2 Timoteo 1:5; 3:14, 15.

E. Ia malaga ma auauna faatasi ma le aposetolo o Paulo.​—Galuega 16:1-5.

I. “. . . na ma pologa faatasi i le talaʻia o le tala lelei.”​—Filipi 2:22.

Ina ia maua nisi kopi o le mataupu “Mo Iloiloga a le Aiga,” tagaʻi i le www.jw.org

● E maua tali “MO ILOILOGA A LE AIGA” i le itulau e 28

TALI MO LE ITULAU E 23

1. Na faaaogā e Iesu se sasa, ae e lē o se pelu.

2. Na faatau atu e tamāloloa povi ma mamoe, ae e lē o puaa.

3. Na faatau atu e tamāloloa lupe, ae e lē o lulu.

4. Na maua e le ʻau sui tupe ia siliva, ae e lē o tupe pepa.

PEPA NUMERA 17 IONA

FESILI

A. Na auina atu Iona ina ia talaʻi i ․․․․․, lea e silia i le ․․․․․, tagata sa nonofo ai.

E. E ui lava na sola ese Iona mai i lona tofiga i le taimi muamua, ae o le ā le gaoioiga lototele na ia faia ina ia faasaoina ai isi?

I. Faauma mai le faamatalaga a le Tusi Paia: “Ona iai lea o Iona i le manava . . . ”

[Siata]

4026 T.L.M. 1 T.A. 98 T.A.

Na foafoaina ai Atamu Na soifua pe tusa Tusia le tusi

o le 840 T.L.M. mulimuli o le Tusi Paia

[Faafanua]

Tasesa

Nineva

Kataferu

Sola ese mai i Kataferu agaʻi atu i Tasesa

IONA

TALAAGA

O se perofeta a Ieova sa auauna a o faagasolo le nofoaiga a le tupu o Ierepoamo II. (2 Tupu 14:23-25) Na aʻoaʻoina Iona e Ieova ia aua neʻi taulaʻi iā te ia lava a ia manatu mamafa i manaʻoga o isi. (Iona 4:6-11) O mea na tutupu iā Iona ua tatou aʻoaʻoina ai le tele o le onosaʻi o Ieova, lona faapalepale ma le agalelei i tagata agasala.

TALI

A. Nineva, 120,000.—Iona 1:1, 2; 4:11.

E. Na fai atu i le ʻauvaa ia lafo o ia i le sami ina ia malū ai le sami.—Iona 1:3, 9-16.

I. “ . .  o le iʻa i ao e tolu ma pō e tolu.”—Iona 1:17.

PEPA NUMERA 18 IOSIA

FESILI

A. Na avea Iosia ma tupu i le ․․․․․, o ona tausaga ma pule mo le ․․․․․, tausaga.

E. O ai perofeta e toʻalua sa iai se la taaʻiga lelei iā Iosia?

I. O le ā na maua e le ositaulaga i totonu o le malumalu ina ua faatonu e Iosia tagata faigaluega ia toe faaleleia “le fale o Ieova”?

[Siata]

4026 T.L.M. 1 T.A. 98 T.A.

Na foafoaina ai Atamu Na soifua pe tusa Tusia le tusi

o le 650 T.L.M. mulimuli o le Tusi Paia

[Faafanua]

Faatamaʻia tupua ua tā i aai o nei ituaiga.—2 Nofoaiga a Tupu 34:6, 7.

Nafatali

Manase

Efaraima

Simeona

IOSIA

TALAAGA

E ui lava ina leaga lona tamā o Amone, ae na faia e Iosia le “mea ua tonu i le silafaga a Ieova.” (2 Nofoaiga a Tupu 34:2) Sa ia filifili e faalogo i ē na alolofa i le Atua nai lo o ē o ni aumea leaga. O lona lotomaulalo ma le talisapaia o le tapuaʻiga moni na ia maua ai le finagalo malie o le Atua.—2 Tupu 22:19; 23:24, 25.

TALI

A. 8, 31.—2 Nofoaiga a Tupu 34:1.

E. Ieremia ma Sefanaia.—Ieremia 1:1, 2; Sefanaia 1:1.

I. “O le tusi o le tulafono a Ieova,” lea na tusia e Mose.—2 Nofoaiga a Tupu 34:14-18.