Alu i mataupu o loo iai

Alu i le lisi o mataupu

Ia Alofa

Ia Alofa

Le Faafitauli

E lē vave ona mou atu le faailoga tagata. E pei ona umi se taimi ma tele galuega e faia ina ia foʻia ai se faamaʻi, e faapena foʻi ona umi le taimi ma tele galuega e faia e aveese ai le faailoga tagata. O le ā e mafai ona e faia e aveesea ai le faailoga tagata mai iā te oe?

Mataupu Silisili Faale-Tusi Paia

“Ia oofu outou i le alofa, auā o le fusi lea e atoatoa ona autasi ai.”​—KOLOSE 3:14.

O le ā le uiga? O le faia o mea lelei i isi e maua ai le autasi. O le tele o lou alofa i isi, o le a faaitiitia ai lou faailoga tagata. O le tele o le alofa i lou loto, o le a leai ai se avanoa mo le ita ma le ʻinoʻino.

Mea e Mafai Ona E Faia

Ia mafaufau i ni auala patino e mafai ai ona e faaalia le alofa i se vaega o tagata na e ono manatu faatauvaa i ai. E lē manaʻomia ona soona sasalu naʻuā nei gaoioiga. Ia taumafai e faataʻitaʻi nisi o mea o loo mulimuli mai:

O gaoioiga lāiti o le alofa, o le a faaitiitia ai lou faailoga tagata

  • Ia faaalia amioga lelei i sui o lenā vaega, e ala i le ofo i ai o lou nofoa pe a tumu le pasi po o le nofoaafi.

  • Ia taumafai e talanoa i ai e tusa pe e lē lelei le latou tautatala i lau gagana.

  • Ia onosaʻi pe afai latou te gaoioi i se auala e te lē malamalama ai.

  • Ia tigā alofa pe afai latou te talanoa atu i o latou faafitauli.