Alu i mataupu o loo iai

Alu i le lisi o mataupu

 LE VAIFOFŌ O LE POPOLE

Po o E Lagona le Popole?

Po o E Lagona le Popole?

“E eseese uma popolega o tagata, peitaʻi ua matuā lofitūina aʻu i le popole. E lē na o se tasi se faafitauli, ae na ou tauivi foʻi ma le tele o isi popolega aemaise le tausiaina o loʻu toʻalua maʻi i le itu i le tino ma le mafaufau.”​—Jill. *

“Na tuua aʻu e loʻu toʻalua, ma na tatau ona ou tausia aʻe laʻu fanau e toʻalua. Na faigatā le avea ai o se matua nofo toʻatasi. E lē gata i lea, na leai saʻu galuega ma e leʻi mafai ona maua se tupe e toe laisene ai laʻu taavale. Na ou lē iloa po o le ā le mea a fai ma na matuā lofitūina aʻu i le popole. Na ou iloa e sesē le taumafai e pule i le ola, o lea na ou ʻaiʻoi atu ai i le Atua ina ia ou oti.”​—Barry.

I le pei o Jill ma Barry, pe na iai se taimi na matuā lofitūina ai oe i le popole? Pe afai o lea, o le a faamāfanafanaina ma faalaeiauina oe i mataupu o loo mulimuli mai. O le a iloiloina ai māfuaaga taatele o le popole, aafiaga o le popole iā i tatou, ma faailoa mai nisi o mea e mafai ona tatou faia pe a tatou popole.

^ pala. 3 Ua suia igoa.