Skip to content

Skip to table of contents

 LE ALA E MAUA AI LE FIAFIA

Le Auala e Maua Ai

Le Auala e Maua Ai

PE E TE MANATU O OE O SE TAGATA FIAFIA? Afai o lea, e faapefea ona e maua le fiafia? Pe e maua mai i lou aiga, lau galuega, po o talitonuga faalelotu? Atonu o loo e tulimataʻia se mea e te ono maua ai le fiafia e pei o le faaiʻuina o au aʻoga, mauaina o se galuega lelei, po o le faatau o se taavale fou.

E toʻatele tagata e maua le fiafia mai i le ausiaina o se sini patino po o le mauaina o se mea na manaʻo i ai. Ae o le ā le umi e latou te maua ai lenā fiafia? E masani lava, e lē tumau lo latou fiafia ma e iʻu ai i le faanoanoa.

O le fiafia, e faatatau atu i le manuia e tumau mo se taimi. E mātaulia i faalogona e amata mai i sina lotomalie, seʻia oo ina lagona le matuā olioli tele ma e iai le faanaunauga ia faaauau pea lenā tulaga.

Talu ai o le fiafia o se tulaga e faaauau pea, ua faamatalaina la le fiafia o se faigāmalaga, ae e lē o se taunuuga po o se sini. O le faapea atu, “Ou te fiafia pe a . . . ” ua tai pei lenā ua tatou tolopōina le mauaina o le fiafia.

Ina ia faataʻitaʻi, ia faatusa le fiafia i le soifua mālōlōina. E faatoʻā maua le soifua mālōlōina pe afai e te ʻai i meaʻai paleni, faamalositino, ma paleni le auala e te ola ai. I se tulaga talitutusa, e faatoʻā e maua foʻi le fiafia pe afai e te ola e ōgatusa ma taʻiala aogā.

O ā taʻiala po o vala o le olaga e iloa ai le ala e maua ai le fiafia? O nisi nei o taʻiala tāua:

  • LOTOMALIE MA LIMAFOAʻI

  • SOIFUA MĀLŌLŌINA MA TOE MAUA LE MALOSI

  • ALOFA

  • LOTOFAAMAGALO

  • SE FUAFUAGA I LE OLAGA

  • FAAMOEMOE

Ua faapea mai se tusi maufaatuatuaina: “E fiafia o ē e sao o latou ala.” (Salamo 119:1) Seʻi o tatou iloiloina lenā ala.