Skip to content

Skip to table of contents

 AUALA E OLA AI O SE KERISIANO

Faaleleia o o Tatou Tomai i le Faiva​—Talaʻi i Tagata Uma i le Oganuu

Faaleleia o o Tatou Tomai i le Faiva​—Talaʻi i Tagata Uma i le Oganuu

MĀFUAAGA E TĀUA AI: Na valoia e Sakaria o le a talilelei mai tagata mai gagana uma i le tala lelei. (Sak 8:23) Ae o ai o le a aʻoaʻoina i latou? (Ro 10:13-15) Ua iai iā i tatou le faaeaga ma le tiute tauave e faailoa atu le upu moni i tagata uma i la tatou oganuu.​—od 84 ¶10-11.

LE AUALA E FAI AI:

  • Sauniuni. Pe na e feiloaʻi i se tagata e tautala i se isi gagana? E mafai ona e faaaogā le polokalame o le JW Language e aʻo ai se taulimaga faigofie. Pe faaaogā foʻi lau masini faaonapōnei e faasino ai i le tagata le auala e maua ai nisi faamatalaga i lana gagana i le jw.org

  • Ia mataalia. Pe a galue mai i lea fale i lea fale, aua le misia le avanoa e molimau atu ai i tagata e feiloaʻi ai i le auala, po o ē o loo i totonu o taavale. Pe a molimau i nofoaga faitele, ia taulaʻi i lou sini o le avatu o se molimau

  • Ia filigā. Ia taumafai pea e asia i latou e leʻi maua i le fale. Fai taumafaiga e talanoa i se tagata i aiga taʻitasi, atonu i se isi taimi o le aso po o se isi aso o le vaiaso. O nisi tagata atonu e manaʻomia ona faafesootaʻi i se tusi, telefoni, po o le talaʻiga i nofoaga faitele

  • Ia toe foʻi. Ia vave ona toe asia se tasi na faaalia le fiafia. Pe a tautala le tagata i se isi gagana, taumafai e saʻili se tagata talaʻi agavaa e tautala i lenā gagana e fesoasoani iā te ia. Ia faaauau ona asia lenā tagata seʻia oo ina asia o ia e se tagata talaʻi e tautala i lenā gagana.​—od 94 ¶39-40

MAIMOA I LE VITIŌ TALAʻI I “TULUʻIGA UMA O LE LALOLAGI,” ONA TALI LEA O FESILI NEI:

  • O ā sauniuniga na faia e uso ma tuafāfine ina ia feiloaʻi ai ma tagata i oganuu maotua? (1Ko 9:22, 23)

  • O ā luʻi na latou fesagaʻia?

  • O ā faamanuiaga na latou olioli ai?

  • O ā taumafaiga e mafai ona e faia ina ia oo atu ai i le toʻatele o tagata i la outou oganuu?