Skip to content

Skip to table of contents

 AUALA E OLA AI O SE KERISIANO

Faaleleia o o Tatou Tomai i le Faiva​—Amata ni Talanoaga e Iʻu ai i le Avatuina o se Molimau

Faaleleia o o Tatou Tomai i le Faiva​—Amata ni Talanoaga e Iʻu ai i le Avatuina o se Molimau

Na mafai e Iesu ona molimau atu lē fuafuaina i se fafine Samaria, ona na ia amataina se talanoaga ma le fafine. E faapefea ona faaleleia o tatou tomai i le amataina o talanoaga ma ē tatou te lē masani ai?

  • Ia faaleuō ma talanoa i tagata. E ui i le lē lavā o Iesu, ae na ia amataina lava se talanoaga e ala i le tau ina talosaga atu mo se vai. E mafai foʻi ona e amataina se talanoaga e ala i se faafeiloaʻiga māfana, ona talanoa lea atonu i le tulaga o le tau, po o tala i mea o loo tutupu. Ia manatua o le sini autū o le amata o se talanoaga, o lea, ia talanoa i so o se mataupu e ono fiafia i ai le tagata. Pe afai e lē tali mai, aua le popole. Ia taumafai e toe talanoa i se isi tagata, ma tatalo iā Ieova mo le lototele.​—Ne 2:4; Ga 4:29.

  • Ia mataalia i avanoa e faailoa atu ai le tala lelei, ae aua e te vavevave. Ia talanoa pea faasamasamanoa, seʻia oo ina sologa lelei le talanoaga. Pe a vave ona e talaʻi atu, e ono lē mautonu le tagata ma lē toe fia talanoa mai. Aua e te lotovaivai pe a uma le talanoaga, ae e leʻi mafai ona e molimau atu. Pe afai e faigatā ona e faailoa atu le tala lelei, ia faataʻitaʻi i le amataina o talanoaga e aunoa ma le molimau atu. [Faaali ma talanoa le vitiō 1.]

  • Taumafai e suʻe se avanoa e avatu ai se molimau, e ala i le taʻua o se faamatalaga e faatatau i ou talitonuga, lea e ono uunaʻia ai le tagata e fesili mai i le uiga o sau faamatalaga. Na faia e Iesu ni faamatalaga faaoso naunau na uunaʻia ai le fafine e fesili atu iā te ia. E oo ane i le taimi na molimau atu ai Iesu e faatatau i le tala lelei, ua tele fesili a le fafine ma na taliina e Iesu. [Faaali ma talanoa le vitiō 2, ona faaali lea ma talanoa le vitiō 3.]