Skip to content

Skip to table of contents

 ʻOA TAUTELE MAI I LE AFIOGA A LE ATUA | KENESE 40-41

Na Laveaʻia e Ieova Iosefa

Na Laveaʻia e Ieova Iosefa

41:9-13, 16, 29-32, 38-40

Na mafatia Iosefa o se pologa ma faafalepuipui mo le 13 tausaga, a o leʻi laveaʻia o ia e Ieova. Nai lo o le ita, na ia faataga le mea na tupu e faamalosia ai o ia. (Sl 105:17-19) Na ia iloa e lē mafai ona tuulafoaʻia o ia e Ieova. Na faapefea ona faia e Iosefa le mea sili e na te mafaia i lona tulaga?

  • Na ia galue mamafa ma faaalia le maufaatuatuaina, ma faamoemoe iā Ieova e faamanuia mai iā te ia.​—Ke 39:21, 22

  • Na ia faia mea lelei i isi nai lo o le tauimasui atu i ē na faileagaina o ia.​—Ke 40:5-7

E faapefea i le mea na tupu iā Iosefa ona fesoasoani iā te aʻu e onosaia ai oʻu faafitauli?

A o leʻi oo ina laveaʻia aʻu e Ieova iā Amaketo, e faapefea ona ou faia le mea sili i le taimi lenei?