Skip to content

Skip to table of contents

 ʻOA TAUTELE MAI I LE AFIOGA A LE ATUA | MAREKO 9-10

Se Vaaiga e Faamalosia ai le Faatuatua

Se Vaaiga e Faamalosia ai le Faatuatua

9:1-7

Seʻi mafaufau i faalogona o Iesu ina ua liua faavavega o ia, ae faalogo atu o faailoa mai e lona Tamā i le lagi lona finagalo malie iā te ia. E mautinoa na faamalosia ai o ia a o lata i ona mafatiaga. Na iai foʻi se aafiaga mataʻina o lenei vaaiga iā Peteru, Iakopo, ma Ioane. Na faamautinoa atu ai iā i latou o Iesu o le Mesia, ma o se mea atamai lo latou faalogo iā te ia. I le pe tusa o le 32 tausaga mulimuli ane, na toe taʻua ai e Peteru lenei vaaiga, ma le auala na faamalosia ai e lenei mea lona faatuatua i “upu faavaloaga.”​—2Pe 1:16-19.

E ui e tatou te leʻi vāai i lenei vaaiga mataʻina, ae ua tatou molimauina lona faataunuuga. Ua pule nei Iesu o se Tupu malosi, ma ua toe o se aga ona ia “manumalo aʻiaʻi” lea, ma saunia ai le ala mo le lalolagi fou amiotonu.​—Fal 6:2.

Ua faapefea i le vaaia o le faataunuuga o valoaga o le Tusi Paia ona faamalosia ai lou faatuatua?