Aperila 1-7
SALAMO 23-25
Pese 4 ma le Tatalo | Upu Tomua (1 minu.)
1. “O Ieova o Loʻu Leoleo Mamoe o Ia”
(10 minu.)
E taʻitaʻia i tatou e Ieova (Sl 23:1-3; w11 5/1 31 ¶3)
E puipuia i tatou e Ieova (Sl 23:4; w11 5/1 31 ¶4)
E fafagaina i tatou e Ieova (Sl 23:5; w11 5/1 31 ¶5)
E tausia e Ieova ana auauna, e pei ona tausia e se leoleo mamoe alofa lana lafu.
IA FESILI IFO, ʻO le ā le auala o loo tausia ai aʻu e Ieova?’
2. Saʻiliʻiliga mo ʻOa Faaleagaga
(10 minu.)
Sl 23:3—O ā “ala o le amiotonu,” ma o le ā e fesoasoani iā i tatou e tumau ai i na ala? (w11 2/15 24 ¶1-3)
O ā ni ʻoa faaleagaga mai i le faitau Tusi Paia o lenei vaiaso na e fiafia i ai?
3. Faitau Tusi Paia
(4 minu.) Sl 23:1–24:10 (th suʻesuʻega 5)
4. Amataina o se Talanoaga
(3 minu.) MOLIMAU LĒ FUAFUAINA. Faasoa se manatu faalaeiau mai i le Tusi Paia, ma se tagata o loo popole i le tulaga o le siʻosiʻomaga. (lmd lesona 2 manatu 5)
5. Toe Asia le Tagata
(4 minu.) FALE I LE FALE. Faataʻitaʻi se suʻesuʻega faale-Tusi Paia ma se tagata na talia le polosiua Se Olaga Fiafia e Faavavau! (lmd lesona 9 manatu 3)
6. Faia Isi ma Soo
(5 minu.) lff lesona 14 manatu 4 (lmd lesona 11 manatu 3)
Pese 54
7. E Tatou te Teena Leo o Tagata Ese
(15 minu.) Talanoaga.
E iloa lelei e mamoe le leo o le leoleo mamoe ma mulimuli atu iā te ia. Ae e latou te sosola ese mai i se tagata ese, e latou te lē masani i lona leo. (Ioa 10:5) I se tulaga talitutusa, e tatou te faalogo atu i leo o o tatou Leoleo Mamoe faaleagaga e alolofa ma maufaatuatuaina, o Ieova ma Iesu. (Sl 23:1; Ioa 10:11) Ae e tatou te teena leo o tagata ese o ē o loo taumafai e faavaivaia lo tatou faatuatua, e ala i a latou “upu taufaasesē.”—2Pe 2:1, 3.
I le Kenese mataupu e tolu, o loo faamatala ai le taimi muamua na faalogoina ai se leo ese i le lalolagi. Na faaaogā e Satani se gata e faasesēina ai Eva, ina ia lē iloa ai e Eva po o ai moni o loo talanoa i ai. Na faafoliga atu Satani o se uō iā Eva, ma ia faauiga sesē fetalaiga ma le finagalo o Ieova. E faanoanoa ona na faalogo i ai Eva, ma faapogaia ai le tele o mafatiaga mo ia ma lona aiga.
I aso nei, o loo taumafai foʻi Satani e faatupu le masalosalo iā i tatou, e faatatau iā Ieova ma lana faalapotopotoga, e ala i le faasalalau o lipoti lē lelei, faamatalaga e lē saʻo atoatoa, ma tala taufaasesē. Pe a tatou faalogoina leo o tagata ese, e tatau ona tatou sosola ese! O se lamatiaga le faalogo atu i ai, e tusa lava pe na o sina taimi puupuu. E fia upu na faasesēina ai e Satani Eva i sina taimi puupuu na la talanoa ai? (Ke 3:1, 4, 5) Ae faapefea pe a faailoa mai e se tasi e alofa iā i tatou ma e naunau mo lo tatou lelei, ni faamatalaga lē lelei e faatatau i le faalapotopotoga a Ieova?
Faaali le VITIŌ Teena “Leo o Tagata Ese,” ona fesili lea i le aofia:
O le ā e te aʻoaʻoina mai i le tali atu a Rosa, ina ua faailoa mai e lona tinā lē talitonu ni faamatalaga lē lelei, e faatatau i le faalapotopotoga a Ieova?
8. Suʻesuʻega Faale-Tusi Paia a le Faapotopotoga
(30 minu.) lff Fesili Autalu o le Vaega 2
