A o faagasolo le 2025, ua lāgā e faigāmalo i le lalolagi aoao aafiaga lē lelei o fesootaʻiga i le Initaneti, po o le social media i mafaufau o talavou. Ua faasā e se tasi atunuu talavou e i lalo ifo o le 16 tausaga ona faaaogā le social media. O le mea foʻi lenā ua fuafua isi atunuu e fai.

 E oo lava i isi talavou, e latou te iloa āuga lē lelei o le social media. Ua taʻua i se suʻesuʻega, “e pe ā ma le 48% o talavou na taʻutino mai, ua telē se aafiaga lē lelei o le social media i le latou tupulaga.”—O le lipoti na maua iā Aperila 2025 mai i le Pew Research Center i le Iunaite Setete.

 Ua lapataʻi mai fomaʻi o le mafaufau e faatatau i lamatiaga o le social media i mafaufau o tamaiti. I le tausaga ua teʻa, na faapea mai Dr. Vivek Murthy, o lē na avea ma fomaʻi sinia i le matagaluega o le soifua mālōlōina i le Iunaite Setete: “Ua tatau nei ona tatou uaʻi atu i faafitauli o le mafaufau o talavou, lea ua faateteleina ona o le social media.”

 E faapefea ona puipuia e mātua a latou fanau mai i lamatiaga o le social media? E maua fautuaga aogā mai i le Tusi Paia.

Mea e mafai ona fai e mātua

 Ia mafaufau i nei mataupu silisili o le Tusi Paia.

 “O le tagata e iai le utaga mamao, e manatunatu i ona laasaga uma.”—Faataoto 14:15.

 Ona o lamatiaga o le social media, aua e te manatu e tatau lava ona faataga lou alo e faaaogāina. A o leʻi faataga lou alo e faaaogāina, ia faamautinoa e mafai ona ia pipii i le taimi ua e faatulagaina e faaaogā ai, ia iai ni ana uō lelei, ma ʻalofia ni ata e lē talafeagai.

•   Mo nisi faamatalaga, faitau i le mataupu “Should My Child Use Social Media?” ma le “Teaching Your Teenager Social Media Safety.”

 “Ia outou faaaogā tatau le taimi.”—Efeso 5:16.

 Pe a e faataga lou alo e faaaogā le social media, ia e faataatitia ni tulafono i le auala e faaaogā ai, ma faamatala i ai aogā o na tulafono e puipuia ai o ia. Ia mataala i suiga lē lelei o amioga a lau tama, lea e faaalia ai ua tatau ona faatapulaa le taimi e na te faaaogāina ai le social media.

•   Ia maimoa i le vitiō o ata tusi Faaaogā ma le Atamai Tuatusi i le Initaneti e fesoasoani ai i lou alo e malamalama i le tāua o le pulea o le faaaogāina o le social media.

 Mo nisi fautuaga mai i le Tusi Paia i mea e mafai ona faia e mātua, tagaʻi i le mataupu “Lapataʻia e se Sui Aloaʻia o le Soifua Mālōlōina Lamatiaga o le Social Media i Fanau—O le ā le Manatu o le Tusi Paia?”

Ia aʻoaʻo atili

 Ua faapea mai le Tusi Paia o loo tatou ola i “aso e sili ona faigatā.” (2 Timoteo 3:1-5) O loo faailoa mai ai foʻi fautuaga aogā e fesoasoani iā i tatou e onosaia nei taimi faigatā. O loo iai se lisi o mataupu faale-Tusi Paia e sili atu ma le 20, mo mātua ma a latou fanau lea o loo maua i lenei mataupu, “Faatupulaʻia Faafitauli o le Mafaufau o Talavou—O le ā le Manatu o le Tusi Paia?”