I le taeaopō o le aso 24 o Fepuari 2022, na amata ai le osofaʻiga a vaegaʻau a Rusia i le atunuu o Ukraine e ui i taumafaiga a taʻitaʻi o malo e ʻalofia se taua. O le ā le aafiaga o lenei taua i le lalolagi? Na faapea mai António Guterres, o le failautusi o Malo Aufaatasi: “E faigatā ona faaata le telē o aafiaga o mafatiaga o tagata, faatamaʻia ma le faaleagaina o le tulaga saogalemu i le atu Europa ma le lalolagi atoa.”

•   Na valoia e Iesu se taimi “o le a siitaua atu isi atunuu i isi atunuu, ma isi malo i isi malo.” (Mataio 24:7) Ia faitau i le mataupu “O le ā le Faailoga o ʻAso e Gata ai,’ po o ʻTaimi o le Iuga’?” ina ia iloa ai le auala ua faailoa mai ai e le Tusi Paia o taua i aso nei, ua faataunuu ai le valoaga a Iesu.

•   I le tusi o Faaaliga, ua faatusaina ai taua i se tagata o loo tiʻetiʻe i le “solofanua mūmū” o lē e na te ʻaveseea le filemu mai i le lalolagi.’ (Faaaliga 6:4) Ia faitau i le mataupu “Tagata Tiʻetiʻe Solofanua e Toʻafā—O Ai i Latou?” ina ia iloa ai le auala ua faataunuu ai lenei valoaga e taua i aso nei.

•   I le tusi o Tanielu, ua valoia ai se feteenaʻiga i le vā o le “tupu o le itu i mātū” ma le “tupu o le itu i saute.” (Tanielu 11:25-45) Ia maimoa i le vitiō Le Valoaga ua Faataunuuina—Tanielu 11 ina ia iloa pe aiseā ua avea ai Rusia ma malo o loo lagolagoina o ia, o le tupu o le itu i mātū. a

•   Ua faamatala foʻi i le tusi o Faaaliga “le taua o le aso tele o le Atua o Lē e ona le malosi uma lava.” (Faaaliga 16:14, 16) Peitaʻi, o lenei taua e lē o se taua i le vā o atunuu e pei ona tutupu i le taimi lenei. Ia faitau i le mataupu “O le ā le Taua o Amaketo?” ina ia iloa atili ai e faatatau i lenā taua i le lumanaʻi.

•   Ua taʻua i le Tusi Paia o le a “faaiʻuina [e le Atua] taua i tuluʻiga o le lalolagi.” (Salamo 46:9) Ia faitau i le mataupu “O se Faamoemoe Moni mo se Lumanaʻi Manuia” ina ia aʻoaʻoina atili e faatatau i folafolaga a le Atua mo le lumanaʻi.

•   Na aʻoaʻoina e Iesu ona soo ia tatalo mo le Malo o le Atua ia oo mai. (Mataio 6:9, 10) O lenā Malo o se pulega i le lagi lea o le a faataunuuina le finagalo o le Atua mo le lalolagi, e aofia ai se lalolagi filemu. Ina ia iloa le auala e te maua ai aogā mai i lenā Malo, ia maimoa i le vitiō O le ā le Malo o le Atua?

 E sili atu i le 129,000 Molimau a Ieova i Ukraine. E pei o Molimau i isi atunuu, e latou te faaaʻoaʻo iā Iesu i le solitū i mataupu faapolotiki ma teena le auai i taua. (Ioane 18:36) I le lalolagi aoao, o loo faaauau ona faailoa atu e Molimau a Ieova le “tala lelei o le Malo,” o le vaifofō lea i faafitauli o tagata, e aofia ai ma taua. (Mataio 24:14) E valaaulia oe e faafesootaʻi mai i matou ina ia aʻoaʻo atili e faatatau i le faamoemoe o loo i le Tusi Paia.