Skip to content

Skip to secondary menu

Molimau a Ieova

Faa-Samoa

Aiseā e Tatalo ai e Ala i le Suafa o Iesu?

Aiseā e Tatalo ai e Ala i le Suafa o Iesu?

Tali a le Tusi Paia

E tatau ona tatou tatalo i le Atua e ala atu i le suafa o Iesu, auā e pau lea o le auala e finagalo le Atua e tatou te faalatalata atu ai iā te ia. Na fetalai Iesu: “O aʻu o le ala, o le upu moni ma le ola. E leai se tasi e alu atu i le Tamā pe a lē ui mai iā te aʻu.” (Ioane 14:6) Na fetalai foʻi Iesu i ona aposetolo faamaoni: “E moni, e moni, ou te fai atu iā te outou, Afai e tou te talosaga atu i le Tamā i se mea, e na te foaʻi mai iā te outou i loʻu igoa.”—Ioane 16:23.

Isi māfuaaga e tatalo ai e ala i le suafa o Iesu

  • E tatou te faamamaluina ai Iesu ma lona Tamā o Ieova le Atua.—Filipi 2:9-11.

  • E tatou te faaalia ai le talisapaia o le maliu o Iesu, o se sauniuniga a le Atua mo lo tatou faaolataga.—Mataio 20:28; Galuega 4:12.

  • E tatou te amanaʻia ai le matafaioi tutasi a Iesu o le avea ma Puluvaga i le va o le Atua ma tagata.—Eperu 7:25.

  • E tatou te faaaloalo i le auaunaga a Iesu o se Ositaulaga Sili o Lē e mafai ona fesoasoani iā i tatou e maua se leleiga ma le Atua.—Eperu 4:14-16.