Skip to content

Skip to secondary menu

Molimau a Ieova

Faa-Samoa

Po o Mala Faalenatura o se Faasalaga Mai i le Atua?

Po o Mala Faalenatura o se Faasalaga Mai i le Atua?

Tali a le Tusi Paia

E lē o aʻoaʻoina i le Tusi Paia o le Atua o loo faapogaia mala faalenatura i aso nei. E pei ona faamatalaina i le Tusi Paia, e ese faamasinoga a le Atua mai i mala faalenatura.

  1. A o leʻi gaoioi le Atua, e na te iloilo muamua tulaga uma. Ua faapea mai le Tusi Paia: “O le tagata e vaai i le tino; a o Ieova e vaai i le loto.”—1 Samuelu 16:7.

  2. E silasila Ieova i loto o tagata taʻitoʻatasi, ma e faaumatia e na o i latou e na te silasila i ai e amioleaga.—Kenese 18:23-32.

  3. E muamua aumaia e le Atua lapataʻiga, ina ia mafai ai e i latou e usiusitaʻi iā te ia ona maua le avanoa e faasaoina ai.

Peitaʻi e tele ina itiiti pe leai foʻi ni lapataʻiga e aumaia mo mala faalenatura, ma matuā faatamaʻia ai le tele o mea. I le isi itu, ua saosaolaumea tagata i le faateteleina o nei mala faalenatura e ala i le faaleagaina o le siʻosiʻomaga, ma fausia fale i vaipanoa e aafiagofie i mafuiʻe, lologa faapea vaipanoa e matuā leaga ai le tau.