Skip to content

Skip to secondary menu

Molimau a Ieova

Faa-Samoa

Pe e Iai ni Temoni?

Pe e Iai ni Temoni?

Tali a le Tusi Paia

Ioe. O temoni o “agelu na agasala,” ma o i latou o ni foafoaga agaga na fouvale i le Atua. (2 Peteru 2:4) O le agelu muamua na ia liua o ia lava ma avea ma temoni o Satani le Tiapolo, o lē ua taʻua i le Tusi Paia o “le pule o temoni.”—Mataio 12:24, 26.

Le fouvalega i aso o Noa

O loo faamatalaina i le Tusi Paia se fouvalega a ni agelu a o leʻi oo i le Lolo i aso o Noa: “Ona vaavaai mai lea o atalii o le Atua moni i afafine o tagata, ua lalelei lava i latou; ona latou ave lea o i latou e fai ma a latou avā, o fafine uma ua mananaʻo i ai.” (Kenese 6:2) O na agelu leaga po o agelu agasala, na “tuua le mea na latou nonofo ai” i le lagi ae liutino tagata ina ia feusuaʻi ma fafine.—Iuta 6.

Ina ua oo mai le Lolo na toe liua e nei agelu leaga i latou i tino agaga ma toe foʻi atu i le lagi. Peitaʻi, na tuliesea i latou e le Atua mai i lona aiga. O se tasi o vala o lo latou faasalaga, o le lē mafai lea ona toe liua i latou i tino o tagata.—Efeso 6:11, 12.