Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

Aiseā e Teena ai e le Atua Nisi Tatalo?

Aiseā e Teena ai e le Atua Nisi Tatalo?

Le tali a le Tusi Paia

E iai nisi tatalo e lē tali mai i ai le Atua. Seʻi iloilo ni vala se lua e māfua ai ona teena e le Atua tatalo a se tasi.

1. E lē ōgatusa le tatalo ma le finagalo o le Atua

E lē tali mai le Atua i talosaga e feteenaʻi ma lona finagalo, po o mea o loo ia faafinagaloina, ia o loo taʻua i le Tusi Paia. (1 Ioane 5:14) O se faaaʻoaʻoga, ua taʻua i le Tusi Paia e aua tatou te matapeʻapeʻa. O le taalo i taaloga faitupe e faaauilumaina ai le matapeʻapeʻa. (1 Korinito 6:9, 10) O lea, e lē tali mai le Atua pe afai e te tatalo atu ia e mālō i le lotto. E lē o se tavini le Atua e faia so o se mea e tatou te mananaʻo i ai, ma e tatau ona tatou lotofaafetai ai ona o lenā tulaga. Auā ana leai, semanū e te popole po o ā mea o loo talosaga atu ai isi i le Atua e fai.—Iakopo 4:3.

2. O le tagata o loo tatalo atu e fouvale

E lē faafofoga mai le Atua iā i latou e maumauaʻi e faatigā iā te ia, e ala i a latou gaoioiga e fai. O se faataʻitaʻiga, na fetalai le Atua i ē na faapea atu o loo auauna iā te ia ae sa gaoioi ma le fouvale: “E tusa lava pe tele ni a outou tatalo e fai, ou te lē faalogo atu lava i ai; auā ua tutumu o outou lima i le faamasaatoto.” (Isaia 1:15) Ae afai na suia o latou ala ma toe “faalelei” ma le Atua, o le a tali mai la o ia pe a latou tatalo atu iā te ia.—Isaia 1:18.