Skip to content

Skip to secondary menu

Molimau a Ieova

Faa-Samoa

O le ā le Agaga Paia?

O le ā le Agaga Paia?

Tali a le Tusi Paia

O le agaga paia, o le mana po o le malosi galue o le Atua. (Mika 3:8; Luka 1:35) E faaaogā e le Atua lenā malosi galue e faataunuu ai lona finagalo i so o se nofoaga e finagalo i ai.Salamo 104:30; 139:7.

I le Tusi Paia, o le upu “agaga” ua faaliliuina mai i le upu Eperu o le ruʹach ma le upu Eleni o le pneuʹma. O le tele o taimi e faasino atu na upu i le malosi galue o le Atua po o lona agaga paia. (Kenese 1:2) Peitaʻi o loo faaaogā foʻi e le Tusi Paia na upu i isi uiga:

O nei uiga uma e faatatau atu i se mea e lē vaaia e tagata, lea e mafai ona maua mai ai ni āuga vaaia. I se tulaga talitutusa, o le agaga o le Atua, e tai pei o le “matagi e lē vaaia, e leai sona tino ae malosi tele.”An Expository Dictionary of New Testament Words, by W.  E. Vine.

Ua faasino atu foʻi e le Tusi Paia le agaga paia o le Atua e pei o ona “aao” po o “tamatamaʻilima.” (Salamo 8:3; 19:1; Luka 11:20; faatusatusa le Mataio 12:28.) E pei ona faaaogā e se tufuga ona lima ma tamatamaʻilima e faia ai lana galuega, e faapena foʻi ona faaaogā e le Atua lona agaga paia ia maua mea o loo mulimuli mai:

E lē o se Atua le agaga paia ma e leai sona tino

O le faasino atu i le agaga o le Atua i ona “aao” po o le “mānava,” ua faaalia ai e le Tusi Paia o le agaga paia, e lē o se mea e fai sona tino po o se tagata. (Esoto 15:8, 10) E lē mafai e lima o le tufuga ona gaoioi e aunoa ma lona mafaufau ma lona tino, e faapena le agaga paia o le Atua e manaʻomia ona gaoioi i le auala e na te faatonutonuina ai. (Luka 11:13) Ua faatusatusa foʻi e le Tusi Paia le agaga o le Atua i le vai ma faafesootaʻi atu i le faatuatua ma le poto. O nei faatusatusaga uma e faailoa mai ai o le agaga paia e lē o se meafaiola.Isaia 44:3; Galuega 6:5; 2 Korinito 6:6

O loo taʻua i le Tusi Paia le suafa o Ieova le Atua ma lona Alo o Iesu Keriso, ae lē o taʻua ai se igoa o le agaga paia. (Isaia 42:8; Luka 1:31) Ina ua maua e le Kerisiano na maliu faamaturo o Setefano se vaaiga ofoofogia faalelagi, na ia iloa atu na o le mamalu o le Atua ma Iesu, ae na te leʻi iloa atu se agaga paia. Ua faapea mai le Tusi Paia: “Ua tumu o ia i le agaga paia, ua tepa aʻe i le lagi, ma iloa atu ai le mamalu o le Atua, ma Iesu o loo tū i le itu taumatau o le Atua.” (Galuega 7:55) O le agaga paia, o le malosi galue lea o le Atua lea na mafai ai e Setefano ona vaaia le faaaliga.

Faamatalaga sesē e uiga i le agaga paia

Faamatalaga sesē: O le “agaga paia,” o se foafoaga agaga, ma o se vaega o le Tolutasi e pei ona taʻua i le 1 Ioane 5:7, 8 i le faaliliuga faa-Peretania o le King James, lea ua faavae mai ai le faaliliuga O le Tusi Paia Samoa—Lomiga o le 1884.

Mea moni: O le faaliliuga O le Tusi Paia Samoa—Lomiga o le 1884, ua faaopoopo nei faaupuga i le 1 Ioane 5:7, 8: “Auā e toʻatolu o e molimau i le lagi, o le Tamā, ma le Lokou, atoa ma le Agaga Paia; o i latou nei foʻi e toʻatolu e toʻatasi lava ia.” Peitaʻi ua iloa e tagata suʻesuʻe e leʻi tusia e le aposetolo o Ioane na upu ma e lē tatau foʻi ona iai i le Tusi Paia. Na tusi le polofesa o Bruce M. Metzger e faapea: “O nei upu e sesē ma e lē tatau ona iai i le Faaliliuga Fou.”A Textual Commentary on the Greek New Testament.

Faamatalaga sesē: Ua taʻua e le Tusi Paia le agaga paia o se meafaiola agaga.

Mea moni: O nisi taimi e faasino atu ai e le Tusi Paia le agaga paia e pei o se meafaiola, peitaʻi e lē faamaonia ai o le agaga paia o se foafoaga agaga. O loo taʻua foʻi e le Tusi Paia le atamai, oti ma le agasala e pei o ni tagata ola. (Faataoto 1:20; Roma 5:17, 21) O se faaaʻoaʻoga, ua faapea mai o le atamai e iai ana “galuega” ma ana “tama,” ma ua faamatalaina le agasala o se mailei, e fasiotia ma faatupu le manaʻo tele.Mataio 11:19; Luka 7:35; Roma 7:8, 11.

I se tulaga talitutusa, ina ua sii mai e le aposetolo o Ioane fetalaiga a Iesu, na ia taʻua le agaga paia e pei o loo ola moni, i le avea o se “fesoasoani” e mafai ona avatu se faamaoniga, taʻitaʻiga, tautala, faalogo, faamamaluina, ma mauaina. Na ia faaaogā le soānauna tama e pei o le “o ia” pe a faasino atu i le “fesoasoani.” (Ioane 16:7-15) Peitaʻi na ia faia faapea auā o le upu Eleni mo le “fesoasoani” (pa·raʹkle·tos) o se nauna tama ma e manaʻomia se soānauna tama e tusa ai ma le tulafono o le kalama i le gagana Eleni. Ina ua faasino atu e Ioane i le agaga paia na ia faaaogā le nauna pneuʹma, e lē o se nauna po o se soānauna tama po o le teine, ae na ia faaaogā le soānauna “o se mea.”Ioane 14:16, 17.

Faamatalaga sesē: O le papatiso i le suafa o le agaga paia ua faamaonia ai o se meafaiola agaga.

Mea moni: O nisi taimi e faaaogā ai e le Tusi Paia “igoa” e iloa ai le malosi po o le pule. (Teuteronome 18:5, 19-22; Eseta 8:10) E talitutusa ma le faaaogāina o le faaupuga faa-Peretania i le “igoa o le tulafono,” e lē faapea ai o le tulafono o se tagata. O se tasi ua papatiso i le “suafa” o le agaga paia, ua faaalia ai le mana ma le tiute tauave a le agaga paia i le faataunuuina o le finagalo o le Atua.Mataio 28:19.

Faamatalaga sesē: Na talitonu aposetolo o Iesu ma isi soo o le agaga paia o se meafaiola agaga.

Mea moni: E lē o taʻua lava faapea i le Tusi Paia po o talafaasolopito. Ua faapea mai le Encyclopædia Britannica: “O le faamatalaga e faapea o le Agaga Paia o le Atua . . . na maua mai le fonotaga a Constantinople i le 381.” Ua silia lea ma le 250 tausaga ina ua mavae le maliu o le aposetolo mulimuli.

Faitau Atili

TALA LELEI MAI I LE ATUA!

O Ai le Atua?

Pe e iai se suafa o le Atua ma pe e manatu mamafa mai iā i tatou?