Skip to content

Skip to secondary menu

Molimau a Ieova

Faa-Samoa

O le ā le Manatu o le Tusi Paia i le Kerisimasi?

O le ā le Manatu o le Tusi Paia i le Kerisimasi?

Tali a le Tusi Paia

E lē o taʻua i le Tusi Paia le aso na fanau ai Iesu, pe faapea mai foʻi e tatau ona faamanatu lona aso fanau. Ua taʻua e le Cyclopedia a McClintock ma Strong: “E leʻi faatonuina i tatou e le Atua e faamanatu le Kerisimasi, ma e lē o taʻua le Kerisimasi i Tusitusiga Paia Kerisiano Eleni.

O le faia o se iloiloga i le tala faasolopito o le Kerisimasi, ua faaalialia ai na tupuga mai i ni tū faalotu faapaupau. Ua faaalia i le Tusi Paia e tatou te faatigā i le Atua pe a taumafai e tapuaʻi iā te ia i se auala e lē finagalo i ai.—Esoto 32:5-7.

Tala faasolopito o tū masani o le Kerisimasi

  1. Faamanatuina o le aso fanau o Iesu: E leʻi faamanatuina e uluaʻi Kerisiano le aso fanau o [Iesu], talu ai na latou manatu i le faamanatuina o le aso fanau o so o se tagata, o se aganuu faapaupau.”—The World Book Encyclopedia.

  2. Tesema 25: E leai se faamaoniga na fanau Iesu i lea aso. E foliga mai na filifili e taʻitaʻi lotu lenei aso, ina ia faaōgatusa ai ma tausamiga faapaupau na faia i le aso o le tau mālūlū lea e vave ona pogisa.

  3. Ofoina atu o meaalofa, tausamiga ma faigā patī: Ua faapea mai le tusi The Encyclopedia Americana: O le tausamiga a tagata Roma e taʻu o Saturnalia, e faamanatu i le ogatotonu o Tesema, ua maua mai ai le tele o tu ma aga e faafiafiaina ai o le Kerisimasi. Mo se faaaʻoaʻoga, mai lenei faamanatuga, na amata mai ai ona faalautele atu le faigaʻai, le ofoina atu o meaalofa, ma le mumū o molī gaʻo.” Na taʻua foʻi i le Encyclopædia Britannica, “na taofia uma galuega ma pisinisi” i le Saturnalia.

  4. Molī Kerisimasi: E tusa ai ma le tusi The Encyclopedia of Religion, na teuteuina e tagata Europa o latou fale “i molī ma so o se ituaiga laau lanu meamata” ina ia faamanatu ai le aso o le tau mālūlū lea e vave ona pogisa ma le tutuli ese o agaga leaga.

  5. Mistletoe ma le holly: O nei laau e masani ona faaaogā mo teuteuga o le Kerisimasi. “Na talitonu tagata Druids e iai se mana o le laau o le mistletoe. Na tapuaʻia le laau lanu meamata o le holly ina ia faamanatu ai le toe foʻi mai o le lā.”—The Encyclopedia Americana.

  6. Laau Kerisimasi: O le tapuaʻi i laau lea sa taatele i tagata faapaupau i Europa, na faaauau pea ona iai ina ua uma ona faaliliuina nei tagata i le faa-Kerisiano.” O se tasi o auala na faaauau ai pea ona iai le tapuaʻiga i laau, ona o le faiga masani o le “tuu o se laau Kerisimasi i le faitotoʻa po o totonu o le fale i taimi o aso faamanatu, i le ogatotonu o le tau mālūlū.”​—Encyclopædia Britannica.

 

Faitau Atili

TALIINA O FESILI FAALE-TUSI PAIA

O ā Mea e Manaʻomia Ona E Faia Ina ia Malamalama ai i le Tusi Paia?

E tusa po o lē a lava lou talaaga, e mafai ona e malamalama i le feʻau a le Atua o loo i le Tusi Paia.

FESILI E MASANI ONA LĀGĀ

Aiseā e Lē Faamanatu ai e Molimau a Ieova le Kerisimasi?

E toʻatele o loo faamanatu pea le Kerisimasi e ui ua latou iloa e faapaupau lona tupuaga. Iloilo pe aiseā e lē faia ai faapea e Molimau a Ieova.