Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

O ā Mea e Manaʻomia Ona E Faia Ina ia Malamalama ai i le Tusi Paia?

O ā Mea e Manaʻomia Ona E Faia Ina ia Malamalama ai i le Tusi Paia?

Tali a le Tusi Paia

Ua faamatala mai e le Tusi Paia mea e manaʻomia ona e faia ina ia malamalama ai i le Tusi Paia. E tusa lava po o le ā lou talaaga, o le feʻau a le Atua o loo i le Tusi Paia “e lē faigatā lenei poloaʻiga pe mamao foʻi.”—Teuteronome 30:11.

Mea e manaʻomia ona e faia ina ia malamalama ai i le Tusi Paia

  1. Ia iai se vaaiga saʻo. Ia talia le Tusi Paia o le Afioga a le Atua. Ia lotomaulalo, auā e tetee le Atua i le faamaualuga. (1 Tesalonia 2:13; Iakopo 4:6) Aua le talitonu i mea na e faitau pe faalogo ai e aunoa ma le mauaina o le mea moni—e finagalo le Atua ia e faaaogāina lou “mafaufau lelei.”—Roma 12:1, 2.

  2. Ia tatalo mo le atamai. Ua faapea mai le Tusi Paia i le Faataoto 3:5: “Aua le faalagolago i lou lava malamalama.” Nai lo lea ia “ōle atu pea ia i le Atua” mo le atamai ina ia malamalama ai i le Tusi Paia.—Iakopo 1:5.

  3. Ia suʻesuʻe e lē aunoa le Tusi Paia. E tele aogā e te mauaina mai i le Tusi Paia pe afai e te suʻesuʻe e lē aunoa nai lo le seāseā.—Iosua 1:8.

  4. Suʻesuʻe faasolo i mataupu. O le suʻesuʻe i mataupu eseese, o le a e iloa ai le faamatalaga a le Tusi Paia e faatatau i se mataupu patino, o se auala lelei lea e aʻoaʻo ai aʻoaʻoga a le Tusi Paia. Ia amata i “lesona muamua” ona “faasolo lea i aʻoaʻoga loloto.” (Eperu 6:1, 2, Easy-to-Read Version) O le a e iloa ai e mafai ona e faatusatusa lea mau ma lea mau, ma aʻoaʻo ai vaega eseese o le Tusi Paia o loo faamatalaina ai mau taʻitasi e oo lava i vaega “e faigatā ona malamalama i ai.”—2 Peteru 3:16.

  5. Ia saʻili le fesoasoani mai i isi. Ua faalaeiauina i tatou e le Tusi Paia ia talia le fesoasoani mai isi e malamalama i le Tusi Paia. (Galuega 8:30, 31) Ua ofoina fua atu e Molimau a Ieova se polokalame tau suʻesuʻega faale-Tusi Paia. E pei o uluaʻi Kerisiano, sa latou faaaogāina le Tusi Paia e fesoasoani ai i isi e faatatau i le mea o loo aʻoaʻoina moni e le Tusi Paia.—Galuega 17:2, 3.

Mea e lē manaʻomia

  1. O aʻoaʻoga maualuluga. Na malamalama aposetolo e toʻa 12 o Iesu i le Tusi Paia ma aʻoaʻo ai isi, e ui lava na manatu nisi, o aposetolo “e leʻi lava ni aʻoaʻoga ma e faatauvaa.”—Galuega 4:13.

  2. O tupe. E mafai ona e suʻesuʻeina aʻoaʻoga a le Tusi Paia e aunoa ma se totogi. Na fetalai Iesu i ona soo: “Ia outou avatu fua, auā ua outou maua fua.”—Mataio 10:8.

 

Faitau Atili

Aiseā e Su‘esu‘e ai le Tusi Paia?

Ua fesoasoani le Tusi Paia i le faitau miliona o tagata i le lalolagi aoao, ina ia maua tali o fesili tāua e faatatau i le olaga. Pe e te fia iloa tali o na fesili?

O le Tusi Paia, o se Tusi Mai le Atua

E faapefea ona fesoasoani le Tusi Paia i ou faafitauli? Aiseā e mafai ai ona e talitonuina valoaga o loo iai?

Saʻili se Fesoasoani Ina ia Malamalama i le Tusi Paia

Pe afai na saunia le Tusi Paia i se auala ina ia malamalama i ai, aiseā la e te manaʻomia ai se fesoasoani ina ia malamalama i ai?