Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

Aiseā ua Taʻua ai Iesu o le Alo o le Atua?

Aiseā ua Taʻua ai Iesu o le Alo o le Atua?

Tali a le Tusi Paia

E leʻi faia se faletua o le Atua e mafai ai ona avea o ia ma tamā o se fanau. Peitaʻi o Ia na foafoaina ola uma. (Faaaliga 4:11) O lea, o le uluaʻi tagata na foafoaina e le Atua o Atamu, ma sa taʻua o ia o le “atalii o le Atua.” (Luka 3:38) I se tulaga talitutusa, ua aʻoaʻoina e le Tusi Paia e faapea na foafoaina e le Atua Iesu. O lea la, ua taʻua ai foʻi Iesu o le “Alo o le Atua.”—Ioane 1:49.

Na foafoaina e le Atua Iesu a o leʻi foafoaina Atamu. Na tusi le aposetolo o Paulo e faatatau iā Iesu: “O ia ua foliga i le Atua e lē vaaia, o le ulumatua o foafoaga uma.” (Kolose 1:15) Ua loa o soifua Iesu mo se taimi umi a o leʻi fanau mai o se tagata i le fale o manu i Peteleema. Ua taʻua i le Tusi Paia o ia “o lē e mai anamuā lona tupuaga, e mai i aso lava ua leva.” (Mika 5:2) I le avea ai ma Alo ulumatua o le Atua, sa avea Iesu o se foafoaga agaga i le lagi a o leʻi fanau mai o se tagata i le lalolagi. Na fetalai Iesu: “Na ou sau mai i le lagi.”—Ioane 6:38; 8:23.