Skip to content

Skip to secondary menu

Molimau a Ieova

Faa-Samoa

O le a Faapefea Ona Maua le Filemu i le Lalolagi?

O le a Faapefea Ona Maua le Filemu i le Lalolagi?

Tali a le Tusi Paia

O le a iai le filemu i le lalolagi e ala mai i le Malo o le Atua ae e lē ona o ni taumafaiga a tagata. O le Malo o le Atua o se pulega i le lagi e taʻitaʻia e Iesu Keriso. Seʻi mātau manatu o loo aʻoaʻo mai e le Tusi Paia e faatatau i lenei faamoemoe matagofie.

  1. O le a “faaiʻuina [e le Atua] taua i tuluʻiga o le lalolagi,” ma faataunuuina ai le folafolaga e aumaia le filemu i le lalolagi i tagata ua ia finagalo malie i ai!”—Salamo 46:9; Luka 2:14.

  2. O le a pule le Malo o le Atua mai i le lagi i le lalolagi atoa. (Tanielu 7:14) I le avea ai ma Malo e pulea le lalolagi atoa, o le a tafiesea ai faiga faalotonuu lea e māfua ai le tele o fevaevaeaʻiga.

  3. O Iesu o le Taʻitaʻi o le Malo o le Atua. Ua taʻua o ia o le “Perenise o le Filemu,” ma o le a ia faamautinoa ‘e leai se mea e gata mai ai le tele o le filemu.’—Isaia 9:6, 7.

  4. O tagata e faaauau ona mananaʻo e tau, o le a lē faatagaina i latou ina ia ola i le taimi o le pulega o le Malo, talu ai “e inosia lava e [le Atua] le tagata e fiafia i le faasauā.”—Salamo 11:5; Faataoto 2:22.

  5. E aʻoaʻo e le Atua tagatānuu o lona Malo i auala e ola ai i se olaga filemu. O le ā le iʻuga e oo i ai? Ua faapea mai le Tusi Paia: “E latou te tuʻi a latou pelu e fai ma uʻamea suōtosina ma o latou tao e fai ma pelu e teu ai laau. E lē toe sii le pelu e le tasi atunuu i le tasi atunuu, pe latou te toe aʻoaʻo foʻi i taua.”—Isaia 2:3, 4.

E faitau miliona Molimau a Ieova i le lalolagi aoao ua aʻoaʻoina e le Atua i auala e tausia ai pea le filemu. (Mataio 5:9) E ui lava e silia i le 230 atunuu e matou te nonofo ai ma e eseese foʻi o matou lanu ma aganuu, ae e matou te maumauaʻi e lē tau faasaga i so o se tagata.

Ua aʻoaʻoina Molimau a Ieova i auala e tausia ai le filemu i aso nei